Azərbaycan Respublikasının Prezidenti İlham Əliyev humanizm prinsiplərinə əsaslanaraq, aprelin 6-da “Məhkum edilmiş bir sıra şəxslərin əfv olunması haqqında” Sərəncam imzalayıb. Bu sərəncamla azadlıqdan məhrumetmə cəzasına məhkum olunmuş, yaşı 65-dən yuxarı olan 176 nəfər cəzasının çəkilməmiş hissəsindən azad edilməsi Prezidentimizin çox böyük hümanist addımı kimi dəyərləndirilməlidir.
Bu sözləri millət vəkili Kamaləddin Qafarov ölkə Prezidentinin aprelin 6-da imzaladığı əfv sərəncamına münasibət bildirərkən söyləyib. O, demişdir ki, Sərəncamın icrası artıq aprelin 7-də Ədliyyə Nazirliyinin Penitensiar Xidmətinin tabeliyindəki cəzaçəkmə müəssisələrində həyata keçirilib.
Əfv olunan şəxslər onlara göstərilən humanizm və mərhəmətə, dünyada baş verən mürəkkəb proseslər zamanı onları da unutmadıqlarına görə dövlətimizin başçısı İlham Əliyevə və Birinci vitse-prezident Mehriban Əliyevaya dərin minnətdarlıqlarını bildiriblər.
Milli Məclisin deputatı vurğulayıb ki, dünyada koronavirus (COVID-19) infeksiyasının yayılması ilə əlaqədar yaşına və səhhətinə görə xüsusi qayğıya ehtiyacı olan, yaşı 65-dən yuxarı olan məhkumların əfv edilməsi dövlətimizin humanist siyasət prinsiplərinə daim sadiq qaldığını bir daha təsdiq edib.
Aprelin 25-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov Ağdam Cümə məscidinin bərpadan sonra açılışında iştirak ediblər.
Azərbaycanda səfərdə olan Qırğızıstan Prezidenti Sadır Japarova Qarabağ atı hədiyyə edilib.
“Azərbaycanda 2019-cu ildən bu günə qədər özəl sektorda 385 mindən çox iş yeri yaradılıb”.