Mingəçevirdə polis zabiti vətəndaşa işgəncə verib? - AÇIQLAMA

Mingəçevirdə polis zabiti vətəndaşa işgəncə verib? - AÇIQLAMA
22 May 2020 16:03


Daxili işlər Nazirliyi Mingəçevirdə polis zabitinin vətəndaşa işgəncə verməsi ilə bağlı yayılan xəbərlərə aydınlıq gətirib.

DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov realpress.az-ın sorğusuna cavab olaraq bildirib ki, bəzi xəbər saytlarında tirajlanan Mingəçevir şəhər sakini Mirzə Mirzəyevin polis əməkdaşı tərəfindən döyülməsi ilə bağlı iddialar əsassızdır və həqiqəti əks etdirmir:

“Mayın 17-də Mingəçevir Şəhər Polis Şöbəsi əməkdaşlarının narkotik vasitələrin qanunsuz dövriyyəsinə qarşı keçirdikləri əməliyyat tədbiri nəticəsində Mirzə Mirzəyev saxlanılıb. Şəxsi axtarış zamanı ondan yeddi ədəd kağız bükümdə satış məqsədilə üzərində daşıdığı narkotik vasitə olan heroin və elektron tərəzi aşkar edilərək götürülüb. 

M.Mirzəyev Cinayət Məcəlləsinin müvafiq maddəsinə əsasən şübhəli şəxs qismində tutulub. O, törətdiyi cinayət əməlini etiraf edib. Onun guya ŞPŞ-də döyülməsi iddiası tamamilə uydurmadır”.

“Qeyd edim ki, M.Mirzəyev əvvəllər də oğurluq və digər cinayət əməllərinə görə dəfələrlə məhkum olunub. 2019-cu ildə azadlığa çıxdıqdan sonra islah olunmayaraq, yenidən cinayət əməllərini davam etdirib.

Belə ki, ötən ilin sonlarında azadlığa çıxdıqdan bir neçə gün sonra mənzil oğurluğuna görə, bir neçə gün öncə isə Mingəçevir ŞPŞ əməkdaşları tərəfindən narkotik vasitələrin qanunsuz dövriyyəsinə qarşı keçirilən əməliyyat zamanı məsuliyyətə cəlb edilib”, - deyə DİN rəsmisi əlavə edib.

Xatırladaq ki, bəzi xəbər saytlarında Mingəçevir şəhər sakini M.Mirzəyevə polis əməkdaşı tərəfindən işgəncə verilməsi ilə bağlı məlumat yayılıb.


19 İyun 2021
Siyasət

Ceyhun Bayramov Ermənistana səsləndi: “Münasibətlər qarşılıqlı olmalıdır”

“Cənubi Qafqazdakı cari vəziyyət yeni imkanlar, yeni təhlükəsizlik paradiqması yaradıb”.

19 İyun 2021
Siyasət

Saakaşvili İlham Əliyevlə söhbəti barədə: “Bu həm bizim, həm də sizin üçün bir neçə illin məsələsidi”

Ukrayna Milli İslahatlar Şurasının İcraiyyə Komitəsinin rəhbəri, Gürcüstanın keçmiş prezidenti Mixail Saakaşvili Ukraynanın “1 + 1” telekanalında “Hakimiyyət hüququ” siyasi tok-şousunun iştirakçısı olarkən bir neçə il əvvəl təyyarədə Azərbaycan prezidenti İlham Əliyevlə söhbətini xatırladıb.

19 İyun 2021
Siyasət

Ceyhun Bayramov Antalyada görüşlərini davam etdirir – FOTO

Antalyada keçirilən Diplomatiya Forumunda iştirakı çərçivəsində Azərbaycan Respublikasının xarici işlər naziri Ceyhun Bayramov Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Amreyevlə görüşüb.

19 İyun 2021
Siyasət

Prezident İlham Əliyev səhiyyə işçilərini təltif edib – SİYAHI

Prezident İlham Əliyev Azərbaycan Respublikasının səhiyyə işçilərinə fəxri adların verilməsi haqqında sərəncam imzalayıb.

18 İyun 2021
Siyasət

Prezident Dövlət Komitəsinin əməkdaşlarını təltif etdi - SƏRƏNCAM

Prezident İlham Əliyev Azərbaycan Respublikası Dini Qurumlarla İş üzrə Dövlət Komitəsi əməkdaşlarının təltif edilməsi haqqında sərəncam imzalayıb.