Azərbaycanın yarımçıq qalmış 21 çempionatı barədə qərar verildi

Azərbaycanın yarımçıq qalmış 21 çempionatı barədə qərar verildi
22 May 2020 16:09


AFFA İcraiyyə Komitəsi yarımçıq saxlanılmış 21 liqa ilə bağlı qərarlar qəbul edib.

realpress.az xəbər verir ki, AFFA-nın təşkilatçılığı ilə keçirilən U-9, U-10, U-11, U-12, U-13, U-14, U-15, U-16, U-17 liqalarında, U-11, U-13, U-16 və Yüksək qızlar liqalarında, “Coca-Cola Məktəbli Kuboku” turnirində, Region Liqasında mövsüm başa çatdırılıb.

Final mərhələsi pley-off sistemi ilə keçirilən turnirlər istisna olmaqla, digər liqalarda hazırda turnir cədvəlində birinci pillədə olan komandalar qalib elan edilib. Beləliklə, “Sabah” U-17 liqasının, “Qəbələ” isə U-16 və U-15 liqalarının çempionu olub.

Koronavirus (COVID-19) pandemiyası ilə bağlı müsbət istiqamətdə dəyişikliklər baş verərsə, Nazirlər Kabineti yanında operativ qərargahın qəbul etdiyi qərarlar nəzərə alınmaqla, yekunlaşdırılmış liqaların komandaları arasında mini-turnirlərin təşkil olunması nəzərdə tutulub.

Azərbaycan Premyer Liqası və I Divizionla bağlı məsələyə koronavirus pandemiyası ilə əlaqədar vəziyyət və Nazirlər Kabineti yanında operativ qərargahın qəbul etdiyi qərarlar nəzərə alınmaqla növbəti həftələrdə baxılacaq.

AFFA-nın Gənclər Liqası (U-19 yaş qrupu) ilə bağlı məsələyə UEFA ilə məsləhətləşmələrin nəticəsi, COVID-19 pandemiyası ilə əlaqədar vəziyyət və Nazirlər Kabineti yanında operativ qərargahın qəbul etdiyi qərarlar nəzərə alınmaqla növbəti həftələrdə baxılacaq.

Futzal üzrə Yüksək Liqa, I Liqa, II Liqa və Azərbaycan Kuboku ilə bağlı Futzal Federasiyası tərəfindən müvafiq təkliflər hazırlanaraq AFFA-ya təqdim olunacaq. AFFA-nın rəyindən sonra müvafiq liqalarla bağlı Futzal Federasiyası tərəfindən qərarlar qəbul ediləcək.


19 Yan 2021
İdman

“Qarabağ” bir oyuna 190 min avro qazandı

UEFA “Qarabağ” klubunun Avropa Liqasının qrup mərhələsindəki çıxışı ilə əlaqədar ödəniş edib.

14 Yan 2021
İdman

Avropa Gimnastikasının prezidenti İdman Akademiyasının qonağı oldu - VİDEO

Avropa Gimnastikasının prezidenti Fərid Qayıbov və bədii gimnastika üzrə milli komandanın baş məşqçisi Mariana Vasilyeva Azərbaycan Dövlət Bədən Tərbiyəsi və İdman Akademiyasında (ADBTİA) olublar.

14 Yan 2021
İdman

Arif Rəhimovdan Bakıda bu il keçiriləcək “Formula-1”lə bağlı AÇIQLAMA

“Formula-1” Azərbaycan Qran Prisinin keçirilməsi 6 iyun tarixində nəzərdə tutulur.

14 Yan 2021
İdman

Güləş millilərimizin ilin ilk yarışında iştirak edəcək heyəti - ADLAR

Fransanın Nitsa şəhərində keçiriləcək güləş üzrə 47-ci Qran Pri yarışında iştirak edəcək millimizin heyəti müəyyənləşib.