Könüllülər maraqlı aksiya həyata keçiriblər - FOTO

Könüllülər maraqlı aksiya həyata keçiriblər - FOTO
23 May 2020 10:45


Azərbaycan Könüllülərinin Əlaqələndirmə Mərkəzi (AKƏM) tərəfindən start verilən “Bir-birimizi qoruyaq!” adlı kampaniyanın  məqsədi karantin rejiminin yumşaldılması ilə əlaqədar insanların kütləvi toplaşdığı yerlərdə sosial məsafə və digər davranış qaydaları barədə ictimai maarifləndirmənin aparılması, həm xəstəliyin yayılmasının qarşısının alınması üçün vaxtında səmərəli tədbirlər həyata keçirən dövlətimizə, həm də koronavirus (COVID-19) pandemiyası ilə mübarizədə gecə-gündüz çalışan vətəndaşlarımıza könüllülərin dəstəyini nümayiş etdirməkdən ibarətdir.

Kampaniyanın yeni mərhələsində könüllülər vətəndaşlar tərəfindən ara məsafəsinin qorunmasının təbliğ və təşviq edilməsi məqsədilə, yeni maraqlı aksiyaya başlayıblar.

Respublikanın şəhər və rayonlarında, o cümlədən, Bakının 12 rayonunda keçirilən aksiya çərçivəsində əhalinin çox olduğu məkanlarda könüllülər asfalt üzərində dairələr çəkərək, vətəndaşların öz növbələrini həmin dairələr üzərində duraraq gözləmələrini, sosial məsafənin qorunmasını təbliğ etməyə çalışıblar.

Həmçinin, könüllülər özlərinin nümunəsində əyani şəkildə sosial məsafə saxlamağın vacibliyini nümayiş etdirirlər.

Qeyd edilməlidir ki, yeni növ koronavirus infeksiyasının yarada biləcəyi təhlükə ilə mübarizədə dövlət tərəfindən həyata keçirilən tədbirlərin dəstəklənməsi məqsədilə 27 mart 2020-ci il tarixində formalaşan və fəaliyyətində “ASAN Könüllüləri” Təşkilatı, “Regional İnkişaf” İctimai Birliyi, “Bir Könüllü” Tələbələrin Əməkdaşlığı İctimai Birliyi, “Könüllü DOST” Proqramı, “Aqrar İnkişaf Könüllüləri” İctimai Birliyi, “Nəqliyyat Könüllüləri” Proqramı, “Formula 1 Azərbaycan Qran Prisi” Könüllülük Proqramı, “Miqrasiya Könüllüsü” İctimai Birliyi, “Könüllü gömrükçü” Dəstəsi, “Turizm Könüllüləri” Təşkilatı, “Ekokönüllüləri” Qrupu, “AFFA və Avro-2020” Könüllülər Proqramı, “Gənc Könüllülər” Hərəkatı və digər təşkilat və hərəkatların iştirak etdiyi Mərkəzin işinin əlaqələndirilməsi Gənclər Fondu tərəfindən həyata keçirilir.

Öz fəaliyyətində Prezident İlham Əliyevin “Biz birlikdə güclüyük!” şüarını rəhbər tutan AKƏM tərəfindən respublikanın demək olar ki, bütün şəhər və rayonlarında könüllülər səfərbər olunub, onların əlaqələndirilməsi və lazımi fəaliyyətlərə yönləndirilməsi həyata keçirilib.

Bugünədək AKƏM-in təşkilatçılığı ilə keçirilən “Böyüklərimizi qoruyaq!”, “Könüllü qonşu”, “Könüllü donor” aksiyalarında minlərlə könüllü iştirak edib.


24 May 2020
Cəmiyyət

Koronavirusla bağlı yeni laboratoriya işə başladı - VİDEO

Koronavirus infeksiyasının ölkədə yayılmasının qarşısını almaq məqsədilə bir çox yeni laboratoriyalar qurulub və istifadəyə verilib.

24 May 2020
Cəmiyyət

“Azəriqaz”ın rəhbərindən istixana sahiblərinə: “Siz borcu verməsəniz, əmək haqlarını ödəyə bilmirik”

“Azəriqaz” İstehsalat Birliyinin baş direktoru Ruslan Əliyev Şəmkir Regional Qaz İstismar İdarəsinin xidmət göstərdiyi rayonlardan olan sakinlərlə birbaşa videobağlantı yaratmaqla onlayn vətəndaş qəbulu keçirib.

24 May 2020
Cəmiyyət

Azərbaycanda Ramazan bayramı qeyd olunur - VİDEO

Bu gün və sabah Azərbaycanda Ramazan bayramı qeyd olunur. 

24 May 2020
Cəmiyyət

Bağlanan bankların əmanətçilərinin NƏZƏRİNƏ - Təzminatların alınması üçün şərtlər açıqlandı

Məlum olduğu kimi, Azərbaycan Respublikası Mərkəzi Bankının İdarə Heyətinin 28 aprel 2020-ci il tarixli qərarı ilə “Atabank” ASC və “Amrahbank” ASC-nin bank fəaliyyətinin aparılması üçün verilmiş lisenziyaları ləğv edilib.

24 May 2020
Cəmiyyət

“Ramazan - Vəhdət və Mərhəmət Bayramı” adlı onlayn konfrans keçirilib

23 may 2020-ci il tarixində Azərbaycan Respublikasının Gənclər Fondu, Mənəvi Dəyərlərin Təbliği Fondu və Azərbaycan İlahiyyat İnstitutunun birgə təşəbbüsü ilə insanları saflıq, şəfqət, birlik və bərabərliyə dəvət edən Ramazan ayında “Ramazan - Vəhdət və Mərhəmət Bayramı” adlı onlayn konfrans keçirilib.