Azərbaycan Xalq Cümhuriyyətinin yaranmasının 102-ci ildönümü münasibətilə videokonfrans keçirilib - FOTO

Azərbaycan Xalq Cümhuriyyətinin yaranmasının 102-ci ildönümü münasibətilə videokonfrans keçirilib - FOTO
28 May 2020 18:03


Azərbaycan Tələbə Gənclər Təşkilatları İttifaqı və “Cavan” Gənclər Hərəkatı İctimai Birliyinin birgə təşkilatçılığı ilə Azərbaycan Xalq Cümhuriyyətinin (AXC) yaranmasının 102-ci ildönümü münasibətilə videokonfrans keçirilib.   

Videokonfransda tarix elmləri doktoru, professor Solmaz Rüstəmova-Tohidi “Cümhuriyyətə aparan yol” mövzusunda çıxış edərək, müsəlman Şərqində ilk dünyəvi, demokratik dövlət kimi tarixə düşən AXC-nin yaranması, iqtisadiyyat, mədəniyyət, təhsil, hərbi quruculuq və digər sahələrdə həyata keçirilən yeniliklərin Azərbaycan xalqının tarixində olan yeri və əhəmiyyəti haqqında konfrans iştirakçılarına məlumat verib.

O, görüşdə iştirak edən tələbələrin AXC-nin yaradılmasına aparan yol, həmin tarixi dönəmdə regionda və dünyada baş verən hadisələr, bunların Cümhuriyyətimizin mövcudluğuna təsiri və respublikanın süquta uğramasını şərtləndirən səbəblər barədə suallarını cavablandırıb.

Professor xüsusilə vurğulayıb ki, AXC-nin varisi olan hazırkı dövlətimizin müstəqilliyinin möhkəmlənməsi və daha da qüdrətlənərək inkişaf etməsi üçün hər bir Azərbaycan vətəndaşı, xüsusilə də gənclər əllərindən gələni etməli və hər zaman müstəqilliyimizi və dövlətçiliyimizi əziz tutmalıdırlar.

Qeyd edək ki, görüşdə 200-ə yaxın gənc iştirak edib.


2 İyul 2020
Cəmiyyət

Xızı rayonunda koronavirusun yayılmasına qarşı tədbirlər gücləndirilir

Bu gün pandemiya ilə mübarizə çərçivəsində Xızı Rayon İcra Hakimiyyəti (RİH) yanında yaradılan xüsusi qərargahın növbəti videokonfransı keçirilib.

2 İyul 2020
Cəmiyyət

Culfa rayonunda taxıl biçini davam edir

Culfa rayonunun taxılçıları builki mövsümdə 8 min hektara yaxın sahədə taxıl yetişdirib. Bunun 6 min 216 hektarını buğda, 1349 hektarını isə arpa təşkil edir. Hazırda rayon ərazisində taxıl biçini sürətlə davam edir.

2 İyul 2020
Cəmiyyət

Azərbaycanda tanınmış alim koronavirusa yoluxdu - FOTO

Dilçilik İnstitutunun Nəzəri dilçilik şöbəsinin müdiri, elmlər doktoru, professor İdris Abbasov COVID-19-a yoluxub.

2 İyul 2020
Cəmiyyət

COVID-19-a görə bəzi məhsulların idxal rüsumundan azad edilmə müddəti uzadıldı - QƏRAR

Baş nazir Əli Əsədov “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edilməsi barədə” Azərbaycan Respublikası Nazirlər Kabinetinin 2020-ci il 5 mart tarixli 84 nömrəli Qərarında dəyişiklik edib. 

2 İyul 2020
Cəmiyyət

DİM sosial şəbəkə istifadəçilərinə müraciət edib

Dövlət İmtahan Mərkəzi sosial şəbəkə istifadəçilərinə müraciət edib.