FIFA20 Birinci Liqasının ilk həftəsi gözlənilməz nəticələrlə yadda qaldı

FIFA20 Birinci Liqasının ilk həftəsi gözlənilməz nəticələrlə yadda qaldı
04 Avq 2020 11:34


İyulun 27-də start götürən FIFA20 Birinci Liqasının ilk həftəsi gözlənilməz nəticələrlə yadda qalıb. Liqa iştirakçıları bir-birindən maraqlı oyunlar sərgiləyir və azarkeşləri təəccübləndirməyi bacarırlar.

Qeyd edək ki, 5 oyundan sonra artıq lider qrupu və autsayderlər formalaşıb. Belə ki, 5 turdan sonra 15 xalla maksimum nəticə göstərən “Qazakh Ashiqs” komandası ilk sırada, 13 xal toplayan Qobustan Stones ikinci sırada qərarlaşıb, hərəyə 3 qələbə və 2 heç-heçə nəticə göstərən “Quba Tigers” və “Nakhchivan Alinja Tower” komandaları isə üçüncü-dördüncü yerləri bölüşdürürlər.

Gördüyünüz kimi, ilk mövsümün qalibi Cavid Qurbanovun “Nakhchivan Alinja Tower” komandası gözlənilənlərin əksinə olaraq ilk üçlüyə daxil ola bilməyib. Birinci mövsümün daha bir uğurlu siması Tural Həsənovun Karabakh Horses komandası isə zəif nəticə göstərərək, yalnız 11-ci yerdə qərarlaşıb.

İkinci həftə bizi olduqca maraqlı oyunlar gözləyir. Oyunçuların əksəriyyəti eyni səviyyədə çıxış edir. Bəs görəsən qələbəyə həsrət qalan autsayderlər dönüş edə biləcəklər? Liderlərin mövqeyi möhkəmlənəcək, yoxsa gələcək turlarda onları ciddi müqavimət gözləyir? Kiberfutbol hər zaman təəccübləndirir və ümid edək ki, bu cür də davam edəcək.  

Bütün oyunları canlı olaraq həftənin 6 günü saat 12:00, 17:00 aralığında GLAHUB “Youtube” kanalında və 16:00-dan 17:00-dək isə “İdman TV” kanalında izləməyə davam edin.

Qeyd edək ki, Gənclər və İdman Nazirliyi, Nəqliyyat, Rabitə və Yüksək Texnologiyalar Nazirliyi, İdman TV, Azərbaycan Kiber İdman Federasiyası, Gaming League Azerbaijan (GLA) və Topaz-ın birgə təşkilatçılığı ilə keçirilən Birinci Liqaya sentyabrın 11-də yekun vurulacaq. Turnirin baş sponsoru BirBank, sponsoru “Mountain Dew” şirkətidir. 

28 Mar 2024
İdman

Azərbaycanın dörd boksçusu beynəlxalq turnirin finalına vəsiqə qazandı

Azərbaycanın daha dörd kişi boksçusu Bakıda keçirilən “Böyük İpək Yolu” beynəlxalq turnirinin finalına vəsiqə qazanıb.

27 Mar 2024
İdman

Avropa Oyunları 2027-ci ildə İstanbulda keçiriləcək

Avropa Oyunları 2027-ci ildə Türkiyənin İstanbul şəhərində keçiriləcək.

27 Mar 2024
İdman

Azərbaycan Kuboku: “Neftçi” qrup lideri kimi yarımfinala yüksəlib - FOTO

“Sərhədçi” İdman Mərkəzində basketbol üzrə Azərbaycan Kubokunun A qrupunda son iki oyun keçirilib.

26 Mar 2024
İdman

Azərbaycanın iki qadın boksçusu Bakıdakı turnirdə finala vəsiqə qazanıb

Bakıda qadın boksçular arasında “Böyük İpək Yolu” beynəlxalq turnirində yarımfinal mərhələsi başa çatıb.

26 Mar 2024
İdman

Azərbaycanın 5 boksçusu beynəlxalq turnirdə yarımfinala yüksəldi

Bakıda kişi və qadın boksçular arasında “Böyük İpək Yolu” beynəlxalq turniri davam edir.