Bakı elektrik qatarlarında təmassız ödənişlərin sınaqlarına başlanıldı

Bakı elektrik qatarlarında təmassız ödənişlərin sınaqlarına başlanıldı
16 Sent 2020 11:30


Təmassız bank kartları və ödəniş üzüklərinin köməyi ilə ödənişlərin sınaqlarına artıq başlanılıb. Texniki sınaqlar başa çatdıqdan sonra belə ödənişlər Abşeron dairəvi dəmir yolu xətti üzrə bir neçə stansiyada mümkün olacaq.

Bununla bağlı “Azərbaycan Dəmir Yolları” QSC məlumat yayıb.

Layihə “Azərbaycan Dəmir Yolları” QSC, Visa, Azərbaycan Respublikasının Mərkəzi Bankı və Azərbaycan Beynəlxalq Bankı arasında 2020-ci ilin mart ayında imzalanmış əməkdaşlıq memorandumu çərçivəsində icra olunur.

Məlumata görə, ilkin mərhələdə ödənişlər yalnız Azərbaycan Beynəlxalq Bankının təmassız kartları və ödəniş üzükləri ilə aparılacaq. Layihənin növbəti mərhələlərində bu sistemin bütün bankların təmassız ödəniş alətləri vasitəsilə istifadəsi mümkün olacaq və Abşeron dairəvi dəmir yolu xəttinin bütün stansiyalarında tətbiq ediləcək.

Hazırda Abşeron dairəvi dəmir yolu xəttinin sərnişinləri gediş haqlarını gediş kartları və ya biletlər vasitəsilə ödəyə bilərlər. 

28 Sent 2020
Cəmiyyət

Yardımlıda qədim abidələr və qurbangah aşkarlandı - FOTO

AMEA Arxeologiya və Etnoqrafiya İnstitutunun aparıcı elmi işçisi, tarix üzrə fəlsəfə doktoru, dosent Anar Ağalarzadənin rəhbərlik etdiyi Yardımlı arxeoloji ekspedisiyası rayonun Alar və Arvana kəndlərində son tunc - ilk dəmir dövrünə aid kurqanlarda aparılan arxeoloji qazıntılar zamanı yeni maddi nümunələr aşkarlanıb.

28 Sent 2020
Cəmiyyət

Ceyhun Bayramovun Məhəmməd Cavad Zəriflə telefon danışığı olub

27 sentyabr 2020-ci il tarixində Xarici İşlər naziri Ceyhun Bayramovun İran İslam Respublikasının Xarici İşlər naziri Məhəmməd Cavad Zərif ilə telefon danışığı baş tutub.

28 Sent 2020
Cəmiyyət

Azərbaycan ərazisində hərbi vəziyyət elan olunub

Bu gündən Azərbaycan ərazisində hərbi vəziyyət elan olunub.

28 Sent 2020
Cəmiyyət

Ombudsman aparatından Ermənistanın dinc əhalini qətlə yetirməsinə etiraz olaraq BƏYANAT

Məlum olduğu kimi, 27 sentyabr 2020-ci il tarixindən başlayaraq Ermənistan silahlı qüvvələrinin yaşayış məntəqələrimizi və sosial obyektləri müxtəlif növ iri çaplı artilleriya qurğuları və digər silahlardan atəşə tutması nəticəsində mülki əhali, o cümlədən, qadın və uşaqlar qətlə yetirilmiş, yaralanmış, çoxsaylı evlərə və mülki obyektlərə ciddi ziyan dəyib.

28 Sent 2020
Cəmiyyət

XİN erməni təxribatı nəticəsində həlak olan bir ailənin üzvlərinin adlarını AÇIQLADI

Cari ilin 27 sentyabr tarixində Ermənistan silahlı qüvvələrinin artilleriya atəşi nəticəsində Azərbaycanın Naftalan rayonunun Qaşaltı kəndinin sakini 1951-ci il təvəllüdlü Qurbanov Elbrus və onun dörd ailə üzvü, 1956-cı il təvəllüdlü Qurbanova Şəfayət, 2006-cı il təvəllüdlü Qurbanova Fidan, 2007-ci il təvəllüdlü Qurbanov Şəhriyar və 1981-ci il təvəllüdlü Əmirova Afaq həlak olublar.