Smartfonun köməyi ilə uzaqdan, distant şəkildə kompyuteri açmaq və söndürmək mümkündür. Bunun müxtəlif yolları var.
“Praym”ın məlumatına görə, Rusiyada NAFİ-nin (Maliyyə Tədqiqatları üzrə Milli Agentlik) “Rəqəmsal vətəndaş” platformasının eksperti Vladimir Qritsenko bunun üsullarından danışıb.
Onun sözlərinə görə, uzaqdan giriş tətbiqetmələrindən istifadə edərək kompyuteri bir cihazdan idarə etmək mümkündür.
“Wake-On-Lan (W-O-L)” kimi texnologiyalardan istifadə edərək kompyuteri smartfondan uzaqdan açmaq mümkündür. Bu, şəbəkə adapterinə daxil olan trafiki izləyən və istəyə əsasən kompyuteri açan daimi bir enerji təchizatıdır”, - deyə o bildirib.
Həmçinin ana platanı (BIOS) elə konfiqurasiya etmək mümkündür ki, şəbəkədə gərginlik görünəndə kompyuter açılsın və smart elektrik yuvası vasitəsilə şəbəkəyə qoşulsun:
“Smart elektrik yuvası internetə qoşulur və smartfondakı tətbiqdən idarə olunur. Orada cərəyan axını başlayan kimi kompyuter açılır və “uzaqdan giriş müştəriləri” vasitəsi ilə ona qoşulmaq mümkün olur”.
O bildirib ki, əvvəlcə kompyuteri açarkən “müştəri proqramının” avtomatik işə salınması konfiqurasiya edilməlidir.
Mütəxəssisin sözlərinə görə, “TeamViewer”, “Parallels”, “Microsoft Remote Desktop” kimi tətbiqlərdən istifadə etməklə kompyuterin smartfondan idarəsi mümkündür:
“Bu çox rahatdır: dostlara bəzi texniki problemləri həllinə kömək etmək və ya kompyuterdə lokal olaraq saxlanılan sənədi yükləmək olar”.
“İşi tamamladıqdan sonra kompyuter heç bir problem olmadan söndürülə bilər”, - deyə Qritsenko sözlərini tamamlayıb.
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.