İlham Əliyev: “Baza prinsiplərində hər şey dəqiq göstərilib və biz ona hər zaman hörmət edirik”

İlham Əliyev: “Baza prinsiplərində hər şey dəqiq göstərilib və biz ona hər zaman hörmət edirik”
16 Okt 2020 09:38


Bakı Dağlıq Qarabağ münaqişəsinin ATƏT-in Minsk Qrupunun müəyyən etdiyi prinsiplər əsasında həllinə sadiq qalır.

Bu sözləri “RİA Novosti”yə müsahibəsində Azərbaycan Prezidenti İlham Əliyev deyib.

“Bu prinsiplər uzun illər, mən deyərdim, 10 ildən çox müddət ərzində işlənib-hazırlanıb. Mənim Ermənistanın əvvəlki rəhbərliyi ilə iş prosesimdə biz mövqelərin razılaşdırılması üzrə çox fəal şəkildə irəliləyirdik”, - deyə İ.Əliyev bildirib.

“Baza prinsiplərinə gəldikdə isə burada hər şey dəqiq göstərilib. Azərbaycanın işğal edilmiş rayonlarının mərhələli planda azad edilməsi nəzərdə tutulur. Birinci mərhələdə - bu, işğal olunmuş ərazilərin cənub-şərq hissəsi - beş rayondur. İkinci mərhələdə - Dağlıq Qarabağla Ermənistan arasındakı ərazilər - Laçın və Kəlbəcər rayonlarıdır. Bütün kommunikasiyaların, o cümlədən Ermənistan - Azərbaycan sərhədinin digər hissələrindəki kommunikasiyaların da açılması. Qaçqın və məcburi köçkünlərin əvvəlki yaşayış yerlərinə qaytarılması, burada azərbaycanlı qaçqınların həm Şuşaya, həm də keçmiş Dağlıq Qarabağ muxtar vilayətinin digər rayonlarına qaytarılması da nəzərdə tutulur. Və tərəflər arasında razılaşdırılmalı olan Dağlıq Qarabağın yekun statusunun müəyyən edilməsi üzrə danışıqlar”, - deyə prezident əlavə edib.

“Bunlar Azərbaycanın hər zaman hörmət göstərdiyi baza prinsipləridir və onları biz işləyib-hazırlamışıq”, - deyə İlham Əliyev vurğulayıb.

23 Okt 2020
Siyasət

İlham Əliyev: “Daha 13 kənd işğaldan azad edildi”

Prezident İlham Əliyev bir sıra ərazilərimizin işğaldan azad edilməsi ilə bağlı paylaşımlar edib.

23 Okt 2020
Siyasət

Sahibə Qafarova TV24 telekanalına müsahibə verib

Milli Məclisin sədri Sahibə Qafarova Türkiyənin TV24 televiziya kanalına müsahibə verib. 

23 Okt 2020
Siyasət

Ərdoğan: “Türkiyənin sülh danışıqlarında iştirak etmək hüququ var” - VİDEO

Türkiyə Prezidenti Rəcəb Tayyib Ərdoğan cümə namazından sonra jurnalistlərin suallarını cavablandırarkən Qarabağ münaqişəsi ətrafından cərəyan edən son hadisələrə toxunub.

23 Okt 2020
Siyasət

İsrail rəsmisi ermənilərin raket atdığı Mingəçevirə baş çəkdi

Oktyabrın 23-də İsrailin Azərbaycandakı fövqəladə və səlahiyyətli səfiri Corc Dik Mingəçevir şəhərinə humanitar səfər edərək, Cənubi Qafqazın ən böyük istilik elektrik stansiyası olan “Azərbaycan” İES-də olub.

23 Okt 2020
Siyasət

NK: İşğal altındakı ərazilərlə bağlı təhrif edilmiş xəritələrdən istifadə dayandırılıb

Ermənistan tərəfindən Azərbaycanın işğal olunmuş ərazilərinə təhrif edilmiş formada istinad edən xəritələrdən istifadə hallarının qarşısının alınması istiqamətində Azərbaycan Respublikasının Nazirlər Kabineti tərəfindən müvafiq işlər davam etdirilir.