Deputat şəhid məzarlarına görə etiraz etdi, məsələ həllini tapdı

Deputat şəhid məzarlarına görə etiraz etdi, məsələ həllini tapdı
12 Yan 2021 10:43


Deputat Fatma Yıldırım Bərdədə şəhid məzarlarına baş daşlarının qoyulmamasına etiraz edib.

realpress.az-ın xəbərinə görə, bununla bağlı deputat Fatma Yıldırım (Bərdəni təmsil edən deputat) “Facebook” hesabında yazıb.

“Torpaqlarımızın azad olunması uğrunda gedən döyüşlərdə qəhrəmanlıq göstərmiş Bərdə rayon şəhidlərimizin dəfn olunduqları Şəhidlər Xiyabanını bir daha ziyarət etdik. Onlar canlarını fəda edərək xalqımıza böyük qələbə sevinci yaşatdılar və illərdir həsrətini çəkdiyimiz torpaqlara bizi qovuşdurdular. Qəhrəmanlıq salnaməsi yazaraq, öz şücaətləri ilə şəhidlərimizin hər biri bir dastana döndü”, - deyə F.Yıldırım bildirib.

Deputat əlavə edib ki, bununla belə Vətən müharibəsində şəhid olmuş oğullarımızın baş daşlarının hələ də qoyulmaması onu çox məyus edib.

Deputat bununla bağlı məsələyə aydınlıq gətirilməsi üçün Bərdə Rayon İcra Hakimiyyətinin rəhbər heyəti ilə Şəhidlər Xiyabanına birgə baxış keçirib. O, işlərin sürətləndirilməsinin vacibliyini diqqətə çatdırıb.

“Bizə verilən məlumata görə, yaxın günlərdə işlər yekunlaşacaq və eyni zamanda Şəhidlər Xiyabanında geniş abadlıq işləri də aparılacaq”, - deyə F.Yıldırım məlumat verib.  

Qeyd edək ki, mətbuatda və sosial şəbəkələrdə Bərdə Şəhidlər Xiyabanında 44 günlük Vətən müharibəsində şəhid olan şəxslərə baş daşlarının qoyulmaması etirazla qarşılanıb.



16 Yan 2021
Cəmiyyət

Bütün qapalı və açıq məkanlarda tibbi maska məcburidir - RƏSMİ

Xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburidir.

16 Yan 2021
Cəmiyyət

Həftəsonları nəqliyyat işləməyəcək - RƏSMİ

Bütün ölkə ərazisində şənbə və bazar günləri ictimai nəqliyyatın fəaliyyətinə tətbiq olunan məhdudiyyət, eləcə də digər qadağalar isə xüsusi karantin rejiminin sonunadək tətbiq olunacaqdır.

16 Yan 2021
Cəmiyyət

Bakı metrosu açılır? - QƏRAR

Bakı metropolitenində sərnişindaşımanın fəaliyyətinə tətbiq olunan məhdudiyyət hazırda qüvvədə qalır. 

16 Yan 2021
Cəmiyyət

Restoranların fəaliyyəti bərpa edilir - RƏSMİ + VİDEO

2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur. 

16 Yan 2021
Cəmiyyət

Bərbərxana və gözəllik salonları açılır - RƏSMİ + VİDEO

Bərbərxanaların, gözəllik salonlarının fəaliyyəti və kosmetik xidmətlərin fəaliyyəti bərpa edilir.