İraqın təhlükəsizlik orqanları Babildəki aviazərbələr barədəki məlumatları təkzib ediblər.
Bu barədə, ölkənin INA dövlət informasiya agentliyi məlumat yayıb.
“Bəzi KİV və sosial şəbəkələrdə əks olunan İraqın Babil vilayətinə endirilən hava zərbələri haqqında məlumatlar həqiqətə uyğun deyil. Belə yanlış məlumatların yayılması ictimai rəydə çaşqınlıq yaratmaq məqsədi güdür”, - deyə məlumatda bildirilir.
11:12
İraqın mərkəz hissəsində yerləşən Babil əyalətinin Curf ən-Nəsr şəhəri aviasiya hücumuna məruz qalıb.
Bu barədə Livanın “Əl-Mayadeen” telekanalı məlumat yayıb.
Məlumata əsasən, zərbənin endirildiyi ərazi İraq Silahlı Qüvvələrinin nəzarəti altındadır. Telekanal ABŞ təyyarələrinin, həmçinin Suriya ilə sərhəd yaxınlığında yerləşən Əl-Kaim şəhəri üzərində də göründüyünü bildirib.
“Fox News” telekanalı isə Pentaqona istinadən bəyan edib ki, ABŞ hərbçiləri bu gecə İraqın mərkəzi hissəsinə hava zərbələri endirməyib.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
