44 günlük Vətən müharibəsində qanı ilə dastan yazan şəhidlərimizdən biri də İmaməddin Abdullazadədir.
İmaməddin Abdullazadə 1996-ci il avqustun 4-də Beyləqan rayonunda anadan olub. O, 2014-cü ildə Qazax rayonuna müddətli həqiqi hərbi xidmətə yollanıb. 2016-cı ildə Aprel döyüşlərində iştirak edib. Ailədə üç övlad olublar.
Şəhidin qardaşı Qafar Abdullazadə İmaməddinin həyatı haqqında danışıb.
Onun sözlərinə görə, İmaməddin ailəsinə, sevdiklərinə çox bağlı idi:
“İmaməddin orta məktəbi bitirdikdən sonra Qazax rayonunda müddətli hərbi xidmətə yollandı.
Həmin ərəfələrdə Aprel döyüşləri gedirdi, İmadəddin də həmin döyüşlərdə şücaət göstərdi. Əsgərliyini başa vurub geri qayıtdıqdan təxminən üç ay sonra yenidən cəbhəyə yollandı, hərbçi olmağı qərara aldı. Beyləqan rayonu N saylı hərbi hissədə kəşfiyyatçı kimi xidmət etməyə başladı. Hər zaman Vətənə olan borcunu canı, qanı ilə verməli olduğumuzu deyirdi”.
“Anam hər zaman övladlarına dua edərdi. Bir gün anamla söhbət əsnasında qardaşım ona “ana, dua elə arzuma çatım” deyib. Anam da qardaşımın istəyindən məlumatsız olduğu halda, əl açıb Allahdan oğlunun arzusunun yerinə yetməsini diləyib. Qardaşım daha sonra anama “ana, arzum şəhid olmaqdır” deyib”.
O, noyabrın 5-də Şuşa uğrunda gedən döyüşlərdə şəhid olub.
Qeyd edək ki, İmaməddin Abdullazadə Füzuli, Hadrut, Xocavənd, Şuşa uğrunda gedən döyüşlərdə qəhrəmancasına vuruşub. Sonuncu döyüşü Şuşada Daşaltı kəndində olub və həmin döyüşdə şəhidlik zirvəsinə yüksəlib. Ölümündən sonra “Vətən uğrunda” medalı ilə təltif olunub.
Naxçıvan Muxtar Respublikasında ilk milli hərbi hissənin yaradılmasının 31-ci ildönümü münasibətilə Əlahiddə Ümumqoşun Orduda silsilə tədbirlər keçirilib.
Ermənistan silahlı qüvvələrinə məxsus PUA-nın idarəetmə stansiyası məhv edilib.
İyunun 14-ü saat 10:00-dan etibarən Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini yenidən müxtəlif çaplı silahlardan intensiv atəşə tutub.
