Faciəyə qarşı siyasi cəsarət - VİDEO

Faciəyə qarşı siyasi cəsarət - VİDEO
21 Yan 2021 09:20


1990-cı ilin Qanlı Yanvar hadisələri Azərbaycan xalqının milli bütövlüyünü təsdiqləyən ən böyük hadisələrdən biri oldu.

20 Yanvar faciəsi bizi yumruq kimi birləşdirdi və bütün dünya azərbaycanlılarının gücünü ifadə etdi.

Bu hadisə nəinki Azərbaycanı, bütün dünyanı lərzəyə gətirdi.

O zaman yerli hakimiyyət orqanları baş verənlərin üzərindən sükutla keçməyə üstünlük verdi.

Həmin vaxt Moskvada yaşayan ulu öndər Heydər Əliyev özünün və ailə üzvlərinin həyatının təhlükədə olmasına baxmayaraq, faciənin ertəsi günü Azərbaycanın daimi nümayəndəliyinə gəldi.

Qanlı Yanvar qırğınını törədənləri pisləyən kəskin bəyanatla çıxış etdi. Xalqımızın başına gətirilən müsibəti dünyaya çatdırdı.

Ümummilli lider Heydər Əliyevin 1990-cı il 21 yanvar tarixli bəyanatında deyilir:

“Mən bunu qəti şəkildə qınayıram, bunun antihumanitar, antidemokratik, ağır nəticələr gətirən, insan haqlarına zidd olan akt kimi dəyərləndirirəm. Azərbaycanda bu qərarı verən rəhbərlər məsuliyyət daşımalıdırlar. İlk növbədə xalq qarşısında Vəzirov cavab  verməlidir. Hansı ki, dünən Azərbaycandan qaçıb. Azərbaycan rəhbərliyi yuxarıda oturan şəxslərə yanlış məlumatlar, dezinformasiya çatdırıb. Mən hesab edirəm ki, rəhbərlik yetəri qədər məlumatlı olmayıb. Onların fikir qarışıqlığı da bu nəticəyə gətirib çıxarıb. Mən hesab edirəm ki, günahkarların hamısı məsuliyyət daşımalıdır”.

“Həmin dövrdə əsl siyasi igidliyi, vətənpərvərliyi göstərən yeganə şəxs ümummilli lider Heydər Əliyev oldu”.

Bu sözləri politoloq Qabil Hüseynli 20 Yanvar faciəsi haqqında danışarkən deyib. 

O bildirib ki, həmin gün Heydər Əliyev böyük mətbuat konfransı keçirib: “Heydər Əliyev birbaşa Qorbaçovu ittiham etdi ki, Bakıda tökülən qanların birinci günahkarı odur. Məhz onun göstərişi ilə dinc əhaliyə divan tutulub. Onun göstərişi ilə ordu qüvvələri dinc əhaliyə atəş açıb”.

Ulu öndərin siyasi kursunu uğurla davam etdirən Prezident İlham Əliyev 20 Yanvar faciəsində qətlə yetirilənlərin, müharibə veteranlarının, şəhid ailələrinin, əlillərin problemlərinin dövlət səviyyəsində həllini mühüm vəzifələrdən biri kimi qarşıya qoyub. Ölkəmizdə bu istiqamətdə böyük tədbirlər həyata keçirilir.

Daha ətraflı Baku TV-nin süjetində:

3 Mar 2021
Siyasət

İlham Əliyev: “Pakistanla birgə hərbi təlimlərin vaxtı çatıb”

Hərbi sahədə əməkdaşlığımızın böyük potensialı var və əminəm ki, bu gün siz həmkarlarınızla gələcək planlarımızı müzakirə edəcəksiniz. 

3 Mar 2021
Siyasət

Prezident: “Sabah İqtisadi Əməkdaşlıq Təşkilatının iclası keçiriləcək”

Sabah İqtisadi Əməkdaşlıq Təşkilatının videokonfrans formatında Zirvə toplantısı keçiriləcək.

3 Mar 2021
Siyasət

İlham Əliyev Pakistanın Birləşmiş Qərargah Rəisləri Komitəsi sədrini qəbul etdi - YENİLƏNİB + FOTO

Azərbaycan Respublikasının Prezidenti İlham Əliyev martın 3-də Pakistan İslam Respublikasının Birləşmiş Qərargah Rəisləri Komitəsinin sədri general Nadim Razanın başçılıq etdiyi nümayəndə heyətini videoformatda qəbul edib.

3 Mar 2021
Siyasət

Venesuela səfiri Sahibə Qafarova ilə görüşdə “dostluq qrupu” ilə bağlı məsələ qaldırdı

Milli Məclisin sədri Sahibə Qafarova Venesuela Bolivar Respublikasının Azərbaycandakı səfiri Kristofer A. Martinez Berroteran ilə görüşüb.

3 Mar 2021
Siyasət

İlham Əliyev Pakistanın Birləşmiş Qərargah Rəisləri Komitəsi sədrini qəbul etdi

Azərbaycan Respublikasının Prezidenti İlham Əliyev martın 3-də Pakistan İslam Respublikasının Birləşmiş Qərargah Rəisləri Komitəsinin sədri general Nadim Razanın başçılıq etdiyi nümayəndə heyətini videoformatda qəbul edib.