Qılıncoynatmada durğunluq başa çatdı: Bu ay millilərimizi Dünya Kubokları gözləyir

Qılıncoynatmada durğunluq başa çatdı: Bu ay millilərimizi Dünya Kubokları gözləyir
01 Mar 2021 10:53


Azərbaycan Qılıncoynatma Federasiyası bir ildən çox olan durğunluğunu pozmaq üzrədir.

realpress.az-ın xəbərinə görə, ilk olaraq qılıncoynatmanın sablya növü üzrə qadın millimiz idman səhnəsinə çıxacaq.

Belə ki, 11-14 mart tarixlərində Macarıstanın paytaxtı Budapeştdə Dünya Kuboku yarışı keçiriləcək. Bu yarışda Səbinə Kərimova, Sevil Bünyatova, Anna Başta, Valeriya Bolşakova mübarizə aparacaq. İdmançılarımız 11-13 martda fərdi, 14 martda komanda şəklində yarışacaq.

Qılıncoynatmanın şpaqa növü üzrə Kənan Əliyev, Ruslan Həsənov, Xalid Əliyev, Barat Quliyev, Fərrux Səfərovdan ibarət kişi millimiz 19-23 martda Rusiyanın Kazan şəhərində keçiriləcək Dünya Kubokunda iştirak edəcək. 19-21 martda idmançılarımız fərdi, 22-23 martda isə komanda şəklində yarışacaq.

Qeyd edək ki, aprelin 5-də açıqlanacaq rəsmi reytinqə əsasən Olimpiadaya lisenziya qazanan idmançılar (ilk 24 idmançı) müəyyənləşəcək. Hazırkı reytinqə əsasən idmançılarımızın lisenziya qazanması mümkünsüz görünür.

Lakin 17-18 aprel tarixlərində İspaniyanın paytaxtı Madriddə reytinqlə lisenziya qazana bilməyən qılıncoynadanlar üçün Avropa Zona Təsnifat turniri keçiriləcək. Bu yarışlardan hər üç növ (sablya, şpaqa və rapira) üzrə iki idmançı Olimpiadaya vəsiqə qazanacaq.

Olimpiadaya qədər isə idmançılarımızı mötəbər yarışlardan iyunda keçiriləcək Avropa çempionatı gözləyir. Lakin bu yarışın dəqiq tarixi və məkanı hələ bilinmir.


29 Mar 2024
İdman

Azərbaycan boksçuları Bakıdakı beynəlxalq turnirdə 21 medal qazanıblar - YENİLƏNİB + FOTO

Bakıda kişi boksçular arasında ənənəvi “Böyük İpək Yolu” beynəlxalq turnirinin qalibləri müəyyənləşib.

28 Mar 2024
İdman

Azərbaycanın dörd boksçusu beynəlxalq turnirin finalına vəsiqə qazandı

Azərbaycanın daha dörd kişi boksçusu Bakıda keçirilən “Böyük İpək Yolu” beynəlxalq turnirinin finalına vəsiqə qazanıb.

27 Mar 2024
İdman

Avropa Oyunları 2027-ci ildə İstanbulda keçiriləcək

Avropa Oyunları 2027-ci ildə Türkiyənin İstanbul şəhərində keçiriləcək.

27 Mar 2024
İdman

Azərbaycan Kuboku: “Neftçi” qrup lideri kimi yarımfinala yüksəlib - FOTO

“Sərhədçi” İdman Mərkəzində basketbol üzrə Azərbaycan Kubokunun A qrupunda son iki oyun keçirilib.

26 Mar 2024
İdman

Azərbaycanın iki qadın boksçusu Bakıdakı turnirdə finala vəsiqə qazanıb

Bakıda qadın boksçular arasında “Böyük İpək Yolu” beynəlxalq turnirində yarımfinal mərhələsi başa çatıb.