Şuşaya “İsgəndər”in atmasını araşdırmaq üçün komissiya yaradılsın – TƏKLİF

Şuşaya “İsgəndər”in atmasını araşdırmaq üçün komissiya yaradılsın – TƏKLİF
01 Apr 2021 13:20


“İsgəndər” raketlərinin Azərbaycan ərazisinə atılmasına dair hərənin öz versiyası var. Əsas məsələ isə budur ki, bununla bağlı ciddi araşdırmalar aparılmalıdır”.

Bunu realpress.az-a Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Arzu Nağıyev deyib.

Martın 30-da “Caliber.az” portalı ANAMA əməkdaşına istinadən müharibə dövründə Ermənistanın Şuşaya “İsgəndər” raketi atdığını yazıb.

Bunun ardınca isə bildirildi ki, raketin Ermənistan ordusunun ixtiyarında olan “İsgəndər E” indeksli modelə deyil, məhz Rusiya Silahlı Qüvvələrinin istifadə etdiyi “İsgəndər M” modifikasiyasına aid olması ciddi suallar doğurur. 

Deputat A.Nağıyev bildirib ki, düşən raket mərmisinin nömrəsinə uyğun olaraq, onların hansı dövlətin ərazisindən və hansı məsafədən atıldığını müəyyənləşdirmək olar.

Millət vəkili məsələnin araşdırılması üçün müvafiq komissiyanın təşkil olunmasının vacibliyini diqqətə çatdırıb.

“Komissiya yaradılmalıdır və bu komissiya məsələyə birmənalı şəkildə qiymət verməlidir”, - deyə A.Nağıyev əlavə edib.

Komitə üzvü Ermənistanın Baş naziri Nikol Paşinyanın “İsgəndər” atdıqlarına və onların partlamadığına dair bəyanat səsləndirdiyini də xatırladıb. Ancaq Rusiyanın təzyiqlərindən sonra N.Paşinyan dediyi sözləri geri götürdü.

Parlamentari qeyd edib ki, əgər komissiya yaradılsa, “İsgəndər” raketi olan dövlətlərlə bağlı araşdırmalar aparmalıdır.

O, komissiyanın hansı tərkibdə formalaşması barədə təkliflər də verib.

“Müdafiə Nazirliyinin sorğusu əsasında, həm ANAMA, həm Müdafiə Sənayesi Nazirliyi və digər hərbi qurumlar komissiyada təmsil olunmalıdır”, - deyə A.Nağlyev fikrini yekunlaşdırıb.

Qeyd edək ki, Şuşada qalıqları tapılan “İskəndər”lərin üzərindəki “M” nişanları onların məsələn, Gümrüdəki 102-ci Rusiya hərbi bazasından buraxılmasını ehtimalını da gücləndirir.


16 Sent 2023
Hərbi

Naxçıvanda ilk milli hərbi hissənin yaradılması qeyd edildi - FOTO

Naxçıvan Muxtar Respublikasında ilk milli hərbi hissənin yaradılmasının 31-ci ildönümü münasibətilə Əlahiddə Ümumqoşun Orduda silsilə tədbirlər keçirilib.

2 Sent 2023
Hərbi

Ordumuz Ermənistan silahlı qüvvələrinə məxsus PUA-ların idarəetmə stansiyasını məhv edib

Ermənistan silahlı qüvvələrinə məxsus PUA-nın idarəetmə stansiyası məhv edilib.

14 İyun 2023
Hərbi

Ermənilər Naxçıvan istiqamətində mövqelərimizi atəşə tutdular: Cavab tədbirləri görülür

İyunun 14-ü saat 10:00-dan etibarən Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini yenidən müxtəlif çaplı silahlardan intensiv atəşə tutub.

12 Apr 2023
Hərbi

Ermənilərin itkilərinin sayı AÇIQLANDI

Ermənistan Müdafiə Nazirliyi Ermənistan Silahlı Qüvvələrinin təxribatı nəticəsində 4 hərbçisinin həlak olması, 6 hərbçisinin isə yaralanması barədə məlumat yayıb.

31 Yan 2023
Hərbi

Azərbaycan Ordusunun tankları Türkiyədə keçirilən təlimlərdə manevrlər edib

Türkiyə və Azərbaycanın zirehli bölmələri Türkiyənin Qars şəhərində keçirilən “Qış təlimi - 2023” təlimlərində manevr imkanları yoxlanılıb. Manevrlərdən əvvəl tanklara texniki qulluq və nəzarət həyata keçirib.