Bu ay keçiriləcək cüdo üzrə Avropa çempionatına yollanacaq idmançılarımızın sayı və tərkibi bilinib.
realpress.az-ın xəbərinə görə, 14 cüdoçu qitə birinciliyində iştirak edəcək. Bunlardan 10-u kişi və 4-ü qadın cüdoçu olacaq.
Kişilər: Davud Məmmədsoy, Kəramət Hüseynov (hər ikisi -60 kq), Orxan Səfərov, Nicat Şıxəlizadə (hər ikisi -66 kq), Rüstəm Orucov (-73 kq), Murad Fətiyev (-81 kq), Məmmədəli Mehdiyev (-90 kq), Elmar Qasımov, Zelim Kotsoyev (hər ikisi -100 kq), Uşanqi Kokauri (+100 kq)
Qadınlar: Aişə Qurbanlı, Leyla Əliyeva (hər ikisi -48 kq), Gültac Məmmədəliyeva (-52 kq), İrina Kindzerskaya (+78 kq)
Qeyd edək ki, Olimpiada lisenziya xalları qazandıran Avropa çempionatı 16-18 aprel tarixlərində Portuqaliyanın paytaxtı Lissabonda keçiriləcək. Turnirdə 44 ölkənin 348 idmançısı (212 kişi və 136 qadın cüdoçu) qızıl medal üçün mübarizə aparacaq.
Bakıda kişi boksçular arasında ənənəvi “Böyük İpək Yolu” beynəlxalq turnirinin qalibləri müəyyənləşib.
Azərbaycanın daha dörd kişi boksçusu Bakıda keçirilən “Böyük İpək Yolu” beynəlxalq turnirinin finalına vəsiqə qazanıb.
Avropa Oyunları 2027-ci ildə Türkiyənin İstanbul şəhərində keçiriləcək.