ETSN nümayəndəsi: “Aparılan monitorinqlərdən aydın olur ki, Oxçuçayda nikelin miqdarı yeddi dəfə artıb”

ETSN nümayəndəsi: “Aparılan monitorinqlərdən aydın olur ki, Oxçuçayda nikelin miqdarı yeddi dəfə artıb”
08 Apr 2021 09:27


“Bu ilin üç ayı ərzində aparılan monitorinqlərə görə, Oxçuçayda nikelin, dəmirin və mis-molibdenin normadan dəfələrlə artıq olması aşkarlanıb”.

realpress.az-ın məlumatına görə, bunu Zəngilanda jurnalistlərə açıqlamasında Ekologiya və Təbii Sərvətlər Nazirliyinin nümayəndəsi Mehman Nəbiyev bildirib.

Onun sözlərinə görə, mənbəyini Zəngəzur dağ silsiləsindən götürən Oxçuçay Zəngilan rayonu ərazisindən keçərək Araz çayına qovuşur:

“Bu çayın mənbəyində yerləşən Kacaran mis-molibden saflaşdırma kombinatının tullantıları, eyni zamanda, məişət çirkab suları təmizlənmədən Oxçuçaya axıdılır. Bu da həmin çayda ağır metalların normadan artıq olmasına səbəb olur. ETSN tərəfindən çaylarda aparılan montorinqlər göstərir ki, bu çayın çirklənməsi digər sərhəd çaylarından daha çoxdur. Yanvar, fevral, mart aylarında aparılan monitorinqlərə görə, bu çaylarda nikelin miqdarı yeddi, dəmirinki dörd, mis-molibdenin miqdarı isə iki dəfə normadan artıq aşkarlanıb”.

O bildirib ki,  martın əvvəllərində Oxçuçayın vizual olaraq da çox çirklənməsi qeydə alınıb:
“Həmin günlərdə çay hövzəsində bioresursların, xüsusilə qiymətli növ olan farel balıqlarının kütləvi məhv olması aşkarlanıb. Hazırda da çayın çirklənməsi davam edir. Qacaran və Qafan yataqlarının istehsal gücünün artırılması çayın çirklənməsini dəfələrlə artırıb. Belə transsərhəd çirklənmə hövzənin çirklənməsinə gətirib çıxarır ki, bu da çayın bioresursları və ekosisteminə ciddi təhdid yaradır”.


21 Apr 2021
Cəmiyyət

Rəsmi Bakı Ermənistan XİN-ə cavab verdi

Azərbaycan Respublikası Xarici İşlər Nazirliyi Ermənistan XİN-i Azərbaycan Respublikası Prezidentinin Ermənistana qarşı güc tətbiq etmək təhdidi ilə çıxış etdiyini iddia edən şərh ilə çıxış etməsi barədə açıqlama verib.

21 Apr 2021
Cəmiyyət

Gənclər arasında koronavirusa yoluxma niyə artıb? - VİDEO

“Son vaxtlar gənclər arasında koronavirusa yoluxma hallarının artmasının səbəbi havanın isinməsi və onların evdən kənarda daha uzun müddət vaxt keçirməsidir”.

21 Apr 2021
Cəmiyyət

Qubadlının Ulaşlı kəndinin görüntüləri - VİDEO

Müdafiə Nazirliyi Qubadlı rayonunun Ulaşlı kəndindən video yayıb. 

21 Apr 2021
Cəmiyyət

Ünvanlı dövlət sosial yardımının ödəniləcəyi tarix məlum oldu - RƏSMİ

Aprel ayı üzrə ünvanlı dövlət sosial yardımının ödənilməsi vaxtı məlum olub.

21 Apr 2021
Cəmiyyət

“Dərs vaxtı”nın bu günə olan cədvəli - FOTO

“Mədəniyyət” və “ARB Günəş” telekanallarında yayımlanan “Dərs vaxtı” proqramının aprelin 21-nə nəzərdə tutulan cədvəli açıqlanıb.