Şuşa şəhidinin son sözləri: “Tabutumu gözlə...” – FOTO/VİDEO

Şuşa şəhidinin son sözləri: “Tabutumu gözlə...” – FOTO/VİDEO
01 May 2021 13:28


Xızı rayonunun Fındığan kəndində Vətən müharibəsi şəhidi Kərim Qeyrətxan oğlu Əliyevin xatirəsinə inşa edilmiş bulağın açılışı olub.

 şəhidin atası tərəfindən inşa edilən bulağın açılış mərasimində Vətən müharibəsi qaziləri, Kərimin əsgər yoldaşları, ictimaiyyət nümayəndələri, Fındığan kənd tam orta məktəbinin müəllim və şagird kollektivi, şəhidin doğmaları və həmkəndliləri iştirak ediblər.

Bulağın istifadəyə verilməsi münasibəti ilə düzənlənən mərasimin açılışını Vətən müharibəsində hər iki gözünü itirmiş, qazi Kamran Baxışzadə edib.

Kərim Əliyev 2000-ci ildə Xızı rayonunun Fındığan kəndində anadan olub. Hərbi xidmətini başa vurduqdan sonra, təcrübəli snayper kimi Vətən müharibəsində iştirak etmək üçün könüllü olaraq Orduya yazılır.

Kərimin döyüş yolu Tərtərdən başlayıb. O, Hadrut, Füzuli, Cəbrayıl, Xocavənd uğrunda döyüşlərdə böyük igidlik və qəhrəmanlıq göstərib. Kərim ona tapşırılan döyüş tapşırıqlarının öhdəsindən məharətlə gələrək Vətən qarşısındakı müqəddəs borcunu layiqincə yerinə yetirib.

Kərim ona verilən döyüş tapşırıqlarının icrası, düşmənin canlı qüvvəsinin, hərbi texnikalarının məhv edilməsi və Ordumuzun uğurlu əks-hücum həmlələri ilə işğaldan azad etdiyi ərazilər barədə 1-ci Qarabağ müharibəsi iştirakçısı olan atasına da məlumat verirmiş. Qeyrətxanın qeyrətli oğlu atası ilə son danışığında bunları deyib:

“Ata, narahat olma, mən sənin əsərinəm, sənin döyüş yolunla gedirəm, sənin düşmənə qarşı gözlərindəki nifrətlə, ürəyimdə Vətənə olan sevginlə, qollarımda isə sənin qüvvətinlə düşmənin üzərinə gedirəm. Şəhid olsam üzülmə. Evi təmir elə və tabutumu qarşılamağa hazırlaş".

Vətənin azadlığı uğrunda bu günə qədər şəhid olan igidlərin, qanı axıdılan qazilərin, günahsız, əliyalın insanların, təhqir olunmuş qadınların qisasını almaq və atasının yarım qalan işini tamamlamaq onu Şuşa uğrunda döyüşlərdə iştirak etmək üçün könüllü olaraq Xüsusi Təyinatlı Qüvvələrə qoşulmağa vadar edir.

Kərim Əliyev noyabrın 4-də Şuşa yaxınlığındakı Qırmızıbazar ətrafında gedən döyüşlərdə qəhrəmancasına şəhid olub.

Azərbaycan Respublikasının Prezidenti, müzəffər Ali Baş Komandan İlham Əliyevin sərəncamı ilə Kərim Əliyev “Vətən uğrunda” və “Xocavəndin azad olunmasına görə” medalları ilə təltif olunub.

Allah rəhmət eləsin!

15 May 2021
Cəmiyyət

“Türk Hava Yolları” Gəncəyə uçuşları bərpa edib

Türkiyənin “Türk Hava Yolları” şirkəti İstanbuldan Gəncə və Naxçıvana uçuşları bərpa edib.

15 May 2021
Cəmiyyət

Dövlət Sərhəd Xidmətində gənc əsgərlərin andiçmə mərasimi keçirilib - FOTO

Dövlət Sərhəd Xidmətinin Göytəpə şəhərində yerləşən hərbi hissəsində gənc əsgərlərin andiçmə mərasimi keçirilib.

15 May 2021
Cəmiyyət

Qəbələ Dəmir yolu Vağzalının və Ləki stansiyası-Qəbələ birxətli dəmir yolunun açılışı olub - FOTO

Mayın 15-də Qəbələ Dəmir yolu Vağzalının və Ləki stansiyası-Qəbələ birxətli dəmir yolunun açılışı olub.

15 May 2021
Cəmiyyət

Əsarətdən qurtulan məbəd - AĞOĞLANDAN VİDEOREPORTAJ

Yolumuz Azərbaycanın tarixi, dini və maddi-mədəniyyət nümunələri ilə zəngin olan Laçın rayonuna, daha dəqiq desək, burada yerləşən "Ağoğlan" məbədinədir. Səfərə gecə çıxmağımız bizə fürsət verir ki, bir neçə saatdan sonra Günəşin necə zühur etdiyinə bir də müqəddəs torpaqlardan şahidlik edək. Qarşıda 400 kilometrə yaxın yolumuz var. Gözəl yolçuluqdur, Azərbaycan əsgərinin fəth etdiyi yolları qət etmək, onların izi ilə getmək, onların açdığı cığırlarla irəliləmək...

15 May 2021
Cəmiyyət

Özbəkistandan Qurani-Kərim üçün dünya rekordu - FOTO

Özbəkistanda dünyanın ən böyük əlyazma Quran səhifəsi hazırlanıb.