Azərbaycan qazının Avropaya çıxışını təmin edən layihə ilə bağlı vacib AÇIQLAMA

Azərbaycan qazının Avropaya çıxışını təmin edən layihə ilə bağlı vacib AÇIQLAMA
18 May 2021 14:55


Azərbaycan qazının Avropaya çıxışını təmin edən Trans Adriatik Boru Kəmərinin (TAP) genişləndirilməsi ilə bağlı bazar testlərinin ilkin - məlumatlandırma mərhələsinə start verilib.

realpress.az-ın məlumatına görə, TAP-ın İcraçı direktoru Luka Skyeppati bildirib ki, ilin əvvəlindən bu günə qədər TAP vasitəsilə iki milyard kubmetrdən çox qaz nəqli baş tutub.

Onun sözlərinə görə, TAP-ın genişləndirilməsi prosesi potensial tələb və təkliflərə əsasən bir neçə mərhələdə həyata keçirilə bilər. 

TAP-ın ticarət üzrə koordinatoru Mariya Savova isə əlavə edib ki, boru xəttinin genişləndirilməsi üçün üç mümkün ssenari planlaşdırılır.

Belə ki, TAP-ın mərhələli şəkildə ildə 14,4 milyard kubmetrə qədər məhdud, 17,1 milyard kubmetrə qədər qismən və 20 milyard kubmetrə qədər isə tamamilə genişləndirilməsi nəzərdə tutulur.

Xatırladaq ki, TAP-ın kommersiya fəaliyyətinə keçid etməsi ilə Azərbaycan Avropa bazarına ilkin mərhələdə 10 milyard kubmetr, daha sonra isə 20 milyard kubmetrə qədər qaz nəqlini həyata keçirməsi nəzərdə tutulub. Cari ilin iyul ayında TAP-ın nəqletmə potensialının artırılması ilə bağlı bazar testləri həyata keçirildikdən sonra təkliflər dəyərləndiriləcək və bununla da oktyabr ayında kəmərin tutumunun artırılması və ya sabit saxlanılması ilə bağlı nəticə əldə ediləcək.

Qeyd edək ki, TAP-da SOCAR-la yanaşı, BP 20 faiz, “Snam S.p.A” 20 faiz, “Fluxys” 19 faiz, “Enagas” 16 faiz və “Axpo” 5 faiz paya sahibdirlər.


28 Mar 2024
Cəmiyyət

Dövlət İmtahan Mərkəzi auditor seçir

Dövlət İmtahan Mərkəzi (DİM) 2023-2024-cü illər üzrə maliyyə hesabatlarının auditi üçün kotirovka sorğusu elan edib.

28 Mar 2024
Cəmiyyət

Sabah 20° isti olacaq

Mart 29-na gözlənilən hava proqnozu açıqlanıb.

28 Mar 2024
Cəmiyyət

Bu gecə ehtimal edilən ilk Qədr gecəsidir

Bu gecə Azərbaycanda Ramazan ayının ehtimal edilən ilk Qədr (əhya) gecəsidir.

28 Mar 2024
Cəmiyyət

Nazir: “Strateji sahələrin təmsilçilərinə təbriklərimizi çatdırırıq” - FOTO

İqtisadiyyat naziri Mikayıl Cabbarov Azərbaycan Respublikasının dövlət təhlükəsizliyi və xarici kəşfiyyat orqanları əməkdaşlarının peşə bayramları münasibəti ilə təbrik edib.