İranın ali dini lideri Əli Xamenei ölkədəki prezident seçkilərində səs verib və vətəndaşları səsverməyə çağırıb.
Bu barədə PressTV xəbər yayıb.
“Ölkə əhalisinin maraqlarına uyğun olduğu üçün əhalini seçkilərə gəlməyə dəvət edirik”, - deyən Xamenei səslərini Tehrandakı İmam Ruhullah Xomeyninin məqbərəsində yerləşən seçki məntəqəsində verib
09:55
İranda bu gün yerli vaxtla saat 07:00-da 13-cü prezident seçkilərinə start verilib.
“Mehr” agentliyi xəbər verir ki, yanaşı olaraq vilayətlərdə, mahallarda və qəsəbələrdə rəhbər məclis seçkiləri ilə İran Məclisi və Mütəxəssislər Məclisi üçün əlavə seçkilər də keçiriləcək.
İranda prezident dörd il müddətinə seçilir. Bir nəfər bu vəzifəyə ardıcıl olaraq ən çox iki dəfə seçilə bilər.
Təxminən 83 milyon əhalisi olan İranda 29 980 38 kişi və 29 330 269 qadın olmaqla 59 310 307 nəfər seçkilərin ikinci günündə səs verə biləcək. İlk dəfə səs verəcək insanların sayı 1 392 148 nəfərdir.
Qeyri-rəsmi statistikaya görə, xaricdə yaşayan üç milyon yarım İran vətəndaşı da səs vermək hüququna malikdir. Xaricdəki vətəndaşlar 133 ölkədəki nümayəndəliklərdə seçimini edə biləcəklər.
İranda prezident seçkilərinə namizədlər Ayətullah Seyyid İbrahim Rəisi, Muhsin Rızai, Hüseyn Kadızadə Haşimi, Abdunnasır Himmetidir.
Nəticələrin şənbə günü açıqlanması gözlənilir.
Rusiya Prezidenti Vladimir Putinin andiçmə mərasimi mayın 7-də keçiriləcək.
2024-cü ilin yanvar-mart aylarında Misirdən Türk limanlarına 5 milyon 69 min 881 ton yük daşınıb.
Türkiyədə 23 aprel Milli Suverenlik və Uşaq Bayramı Günü kimi qeyd edilir.
