“Cənubi Qafqazdakı cari vəziyyət yeni imkanlar, yeni təhlükəsizlik paradiqması yaradıb”.
realpress.az-ın məlumatına əsasən, bunu Azərbaycanın xarici işlər naziri Ceyhun Bayramov Antalya Diplomatiya Forumunda “Cənubi Qafqaz: Regional sülh və əməkdaşlıq üçün yeni imkanlar” mövzusunda keçirilən müzakirələrdə deyib.
O bildirib ki, regionda sülh və təhlükəsizlik hərtərəfli əməkdaşlıq platformasından asılıdır.
Nazir qeyd edib ki, 10 noyabr 2020-ci il tarixində imzalanan üçtərəfli bəyanatdan sonra Azərbaycan Ermənistanla münasibətlərin normallaşması üçün praqmatik addımlar atıb.
C.Bayramov Bakının humanitar addımlarına diqqət çəkərək Gorus-Qafan yolunun 21 kilometrinin Azərbaycan ərazisindən keçdiyini də xatırladıb.
Nazir onu da xatırladıb ki, Azərbaycan üzərindən Ermənistana Rusiya qazı ixrac olunub.
“Biz münasibətlərin normallaşmasından danışırıq, çünki artıq işğal faktı yoxdur. Biz təkliflərimizi veririk, lakin bu, qarşılıqlı olmalıdır”,-deyə C.Bayramov əlavə edib.
Aprelin 25-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov Ağdam Cümə məscidinin bərpadan sonra açılışında iştirak ediblər.
Azərbaycanda səfərdə olan Qırğızıstan Prezidenti Sadır Japarova Qarabağ atı hədiyyə edilib.
“Azərbaycanda 2019-cu ildən bu günə qədər özəl sektorda 385 mindən çox iş yeri yaradılıb”.
