Əli Məsimli: Manatın ucuzlaşması fonunda məhsulların qiyməti sürətlə artır

Əli Məsimli: Manatın ucuzlaşması fonunda məhsulların qiyməti sürətlə artır
29 Noy 2016 17:58

“Tarif Şurasının qaz və elektrik enerjisinin qiymətini qaldırması ölkədə kataklizmlərə yol aça bilər”.

REALPRESS “Qafqazinfo”-ya istinadən xəbər verir ki, bunu jurnalistlərə açıqlamasında millət vəkili Əli Məsimli deyib. 

Onun sözlərinə görə, Tarif Şurasının qaz və elektrik enerjisinin qiymətinin artırılması ilə bağlı verdiyi sənədlərdə tam aydınlıq olmadığından əhali arasında ciddi narahatçılığa səbəb olub.

Millət vəkili bildirib ki, əgər Tarif Şurası verdiyi qərarla bağlı dəqiq mexanizm müəyyənləşdirə bilərsə, o zaman əhalinin aztəminatlı təbəqəsinə elə də ciddi təsiri olmayacaq: 

“Yox, əgər real olaraq düzgün mexanizm tətbiq edə bilməyəcəksə, bu ciddi problemlərə yol açacaq və narazılıqlara səbəb olacaq. Ona görə də hökumət bununla bağlı dəqiq mexanizm hazırlayıb həyata keçirməlidir ki, nəticədə problem ortaya çıxamasın”.

Millət vəkili onu da əlavə edib ki, manatın ucuzlaşması fonunda enerji daşıyıcılarından istifadənin qiymətinin qaldırılması ölkədə sürətli bahalaşmaya da təkan verəcək və böhranı bir az da dərinləşdirəcək: 

“Manatın ucuzlaşması fonunda ölkəyə idxal olunan məhsulların qiyməti sürətlə artır. Eyni zamanda Azərbaycanın real gəlirləri aşağı düşməsi özünü təkcə bu il deyil, qarşıda gələn illərdə də göstərəcək. Qiymətlər qalxacaq. Ona görə də hökumətə təklif edirəm ki, əməkhaqqı, pensiya və müavinətlər qaldırılsın. Aztəminatlı təbəqənin sosial müdafiəsinin gücləndirilməsi üçün əlavə tədbirlər görülsün.

Eyni zamanda yaranmış vəziyyətlə bağlı xarici ölkələrin təcrübəsindən də yararlanmalıdır. Xarici ölkələrdə qaz və elektrik enerjisinin qiymətinin tətbiqində mövsümi, gecə və gündüz faktorları istifadə olunur. Bu praktikadan bəhrələnmək olar. Belə olmayacağı təqdirdə, əhali arasında ciddi narazılıqların və kataklizmlərin olması istisna deyil”.


25 Apr 2019
İqtisadiyyat

Parlamentdə vacib qanun layihəsi müzakirəyə çıxarılır: Qəbul edilsə, çox yaxşı olacaq

Parlamentdə vacib qanun layihəsi müzakirəyə çıxarılır: Qəbul edilsə, çox yaxşı olacaq

23 Apr 2019
İqtisadiyyat

Krediti olanların nəzərinə - Pulunuzu BELƏ ALIN - VİDEO

Ötən gündən etibarən Azərbaycanda problemli kreditlərlə bağlı kompensasiyaların ödənilməsinə başlanılıb. Ödəniş alacaq müştərilər, onlara göndərilən xəbərdarlıq əsasında krediti götürdüyü banka yaxınlaşaraq təyin edilən məbləği alırlar. Kredit təşkilatıları, eyni zamanda bağlanmış bankların müştəriləri isə ''Azərpoçt''un şöbələrinə yaxınlaşaraq ödənişlərini ala bilirlər. Şikayəti olanlar isə Maliyyə Bazarlarına Nəzarət Palatasına müraciət edə bilər.

22 Apr 2019
İqtisadiyyat

Mindən çox borclu vergi ödəyicisinin ölkədən getmə hüququ məhdudlaşdırılıb

Mindən çox borclu vergi ödəyicisinin ölkədən getmə hüququ məhdudlaşdırılıb

22 Apr 2019
İqtisadiyyat

Problemli kreditlərlə bağlı problem yaşayanlar nə etsin? - Vacib suallara cavab

Problemli kreditlərlə bağlı problem yaşayanlar nə etsin? - Vacib suallara cavab