Afrikada güclü daşqınlar 200-ə yaxın insanın həyatına son qoydu, minlərlə şəxs evsiz qaldı - FOTO

Afrikada güclü daşqınlar 200-ə yaxın insanın həyatına son qoydu, minlərlə şəxs evsiz qaldı - FOTO
26 Apr 2024 11:04

Tanzaniyada güclü yağışların səbəb olduğu daşqınlar nəticəsində azı 155 nəfər ölüb.

Bunu ölkənin baş naziri Kasim Macaliva deyib.

“51 mindən çox ev və 200 min insan zərər çəkib. 155 nəfər həlak olub, 236 nəfər yaralanıb, 10 mindən çox evə müxtəlif dərəcəli ziyan dəyib”, - nazir bildirib.

Macalivanın sözlərinə görə, əkin sahələri, eləcə də infrastruktur - körpülər, avtomobil yolları və dəmiryolları məhv edilib. Yağışların dağıdıcı nəticələrinin əsas səbəbi insanların təsərrüfat fəaliyyətinin ətraf mühitə zərərli təsiri, xüsusilə dağ yamaclarında və çay sahillərində meşələrin qırılmasıdır.

Tanzaniya ilə yanaşı, daşqınlar qonşu Mozambik və Keniyanı, həmçinin Burundini də vurub. Keniyada təbii fəlakət təxminən 40 nəfərin həyatına son qoyub, zərərçəkənlərin ümumi sayı 60 min nəfəri keçib. Burundidə 100 minə yaxın insan müvəqqəti olaraq evlərindən didərgin düşüblər. Somali təbii fəlakətin ziyanını dəf etməyə hazırlaşır, gələcək daşqınlara qarşı maneələr qurmaq üçün şəhərlərə qum gətirilir.

 


6 May 2024
Dünya

Avro və lirə bahalaşdı

Azərbaycan Mərkəzi Bankının bu günə olan rəsmi valyuta məzənnələri açıqlanıb.

6 May 2024
Dünya

İranda sel nəticəsində 23 əyalətin 5 mindən çox sakini zərər çəkib

İranda sel fəlakəti nəticəsində 23 əyalətin 5 mindən çox sakini zərər çəkib.

6 May 2024
Dünya

Laos Prezidenti Rusiyaya səfər edəcək

Laos Prezidenti Thonqlun Sisulit mayın 7-dən 11-dək Rusiyada səfərdə olacaq.

6 May 2024
Dünya

Qazaxıstanla Qırğızıstan sərhədində zəlzələ baş verib

Qazaxıstan və Qırğızıstan sərhədində 5,7 bal gücündə zəlzələ qeydə alınıb.