“Azərbaycanın enerji sektorunda, xüsusilə külək, günəş enerjisi sahəsində 2030-cu ilə qədər faiz göstəricisini artıracağı çox gözəl xəbərdir”.
“Report” xəbər verir ki, bunu Almaniya Federativ Respublikasının Kansleri Olaf Şolts Azərbaycan Respublikasının Prezidenti İlham Əliyevlə birgə mətbuat konfransında deyib.
“Biz birgə iqlim siyasətinə dair məsələləri müzakirə edə bilərik. 2035-ci ilə qədər yeni iqlim hədəfləri formalaşdıra bilərik. İqlim maliyyələşməsinə biz büdcədən 6 milyard avro ayırmışıq, ümumilikdə 10 milyard avro səfərbər etmişik. Özəl sektoru da biz iqlim mövzusuna səfərbər etməliyik. COP29-da bu istiqamətdə müəyyən razılaşmalar əldə edəcəyimizə əminəm”, - o qeyd edib.
O.Şolts Prezident İlham Əliyevə iqlim dəyişiklikləri ilə mübarizəsi üçün təşəkkür edib.
“Mən əminəm ki, biz əməkdaşlığımızı daha da dərinləşdirəcəyik”, - kansler deyib.
“Azərbaycanda icra olunan layihələrə bundan sonra da dəstək verməyə hazırıq”.
Bolqarıstan Prezidenti Rumen Radev mayın 8-də Fəxri xiyabana gələrək xalqımızın Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyub.
Mayın 8-də Azərbaycan Respublikasının Prezidenti İlham Əliyevin və birinci xanım Mehriban Əliyevanın adından Bolqarıstan Respublikasının Prezidenti Rumen Radevin və birinci xanım Desislava Radevanın şərəfinə rəsmi nahar verilib.
