Sabiq boksçumuz Əli İsmayılov UFC çempionu Həbib Nurməhəmmədovla Floyd Meyvezerin gözlənilən döyüşünə münasibət bildirib.
O, Realpress.az-a açıqlamasında qeyd edib ki, görüş maraqlı olacaq:
“Açığı, mən bu haqda bilmirdim. Amma belə olsa, maraqlı görüş olacaq. Düşünürəm ki, hər şey görüşün harada baş tutmasından asılıdır. Əgər döyüş rinqdə olsa, o zaman əminliklə Meyvezerin qalib gələcəyini deyə bilərəm.
Həbib elə bilir ki, Meyvezer qocalıb deyə onu uda bilər. Amma belə deyil. Meyvezer boksda mütləq çempiondur. Onu rinqdə məğlub etmək çətin məsələdir. Ancaq döyüş UFC qaydaları ilə keçirilərsə, təbii ki, bu, Həbib üçün üstünlük olacaq. Çünki o, parter vəziyyətlərində, güləş fəndlərində daha yaxşıdır”.
Qeyd edək ki, hər iki idmançı öz döyüş növlərində hələlik məğlubedilməz imicini qoruyub saxlayırlar.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatında bürünc medal qazanıb.
Kişi şahmatçılar arasında keçirilən Azərbaycan çempionatına yekun vurulub.
Azərbaycan Boks Federasiyasının Mətbuat Xidmətindən Oxu.Az-a verilən məlumata görə, 63,5 kiloqram çəkidə mübarizə aparan yığma üzvü moldovalı Alexandru Parasçivlə qüvvəsini sınayıb.
