Realpress.az-ın Report-a istinadən verdiyi məlumatına görə, tədbiri giriş sözü ilə agentliyin sədri Fuad Nağıyev açaraq, Azərbaycanda turizmin inkişafının vacibliyini, bu sahənin ölkə iqtisadiyyatının prioritet istiqamətlərindən biri olduğunu vurğulayıb.
"Bu gün Dövlət Turizm Agentliyi üçün əhəmiyyətli gündür. Dövlət qurumu olaraq, ilk dəfə geniş ictimaiyyət üçün tədbir keçirilir. Bildiyiniz kimi, agentlik Prezidenti İlham Əliyevin sərəncamı ilə bu ilin aprel ayında təsis edilib. Həmin müddətdən artıq 7 ay keçib. Yəqin razı olarsınız ki, yeni yaradılan bir qurum üçün bu müddət elə də çox deyil. Bu sahənin inkişaf etdirilməsi bizə tapşırılıb və biz bu məsuliyyəti başa düşürük. Son bir neçə ildə ölkə turizmi kifayət qədər uğurlu yol keçib. Lakin biz hesab edirik ki, gediləcək yol hələ çoxdur. Fəaliyyətə başladığımız gündən Dövlət Turizm Agentliyi olaraq görülən işlərlə bağlı daimi hesabat veririk, çünki bizim üçün şəffaflıq əsasdır. Bu tədbirin məqsədi qət etdiyimiz yolla sizləri yaxından tanış etməkdir", - o qeyd edib.
İndoneziya aprel ayında bütün karantin tələblərini ləğv etmək niyyətindədir.
Yunanıstanda istirahətlə bağlı çəkilən yeni reklam sosial şəbəkə istifadəçilərini xeyli təəccübləndirib. Rolik Yunanıstanın milli turizm təşkilatı “Visit Greece” tərəfindən hazırlanıb.
Avstraliya koronavirus səbəbiylə iki ilə yaxındır bağlı saxladığı qapıları peyvənd olunmuş səyahətçilərin üzünə tamamilə açıb.