ABŞ-ın Arizona Universitetinin alimləri insan orqanizminin maraqlı xüsusiyyətini aşkar ediblər: əgər fərd stress vəziyyətinə düşürsə, o zaman özünün "ikinci yarısı" barədə cəmi bircə düşüncə bəs edər ki, qan təzyiqinin artmasının qarşısını alsın.
Realpress.az AZƏRTAC-a istinadən bildirir ki, 102 nəfərin iştirakı ilə aparılan eksperimentdə könüllülər ayaqlarını soyuq suya salıb, bu da nəticədə stress reaksiyasına, damarların daralmasına və təzyiqin artmasına gətirib çıxarıb.
Sonra onların bəzilərindən sevdikləri insan barədə düşünmələrini xahiş ediblər. Bu, təzyiqin qalxmasını dayandırıb. Alimlərin sözlərinə görə, bu üsuldan istifadə etməklə imtahan və ya əməliyyatdan əvvəlki vəziyyətinizi yaxşılaşdırmaq mümkündür. Belə ki, öz münasibətlərindən tam məmnun olan insanlarda bu, daha müsbət təsir göstərir.
Bu, xoşbəxt münasibətdə yaşayan insanların nəyə görə ümumilikdə daha sağlam olduqlarını göstərir. Görünür, partnyorun dəstəyi hər gün baş verən streslərə cavab olaraq ürək-damar reaktivliyinin səviyyəsini azaldır. Yeri gəlmişkən, əgər sevdiyi insan könüllünün yanında idisə, o zaman ağrı hisslərinin kəskinliyi də aşağı düşüb.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
