Yeni “Microsoft Xbox” konsolunun xüsusiyyətləri açıqlanıb

Yeni “Microsoft Xbox” konsolunun xüsusiyyətləri açıqlanıb
10 İyun 2019 16:06

"Microsoft" şirkəti Los-Ancelesdə keçirilən "E3" oyun sərgisində "Project Scarlett" kod adı ilə hazırlanan yeni nəsil "Xbox" konsolunun texniki xüsusiyyətləri barədə məlumat verib.

 

"ICTnews" Elektron Xəbər Xidməti "NEWSru" resursuna istinadən yazır ki, "AMD" şirkəti ilə əməkdaşlıq sayəsində ABŞ istehsalçısı yeni oyun konsolunda məhsuldarlıq baxımından "Xbox" tarixində ən böyük irəliləyişə nail olmaq niyyətindədir. Buna "AMD" şirkəti tərəfindən məxsusi olaraq qurğu üçün hazırlanan yeni 7 nanometrlik çip sisteminə ən qabaqcıl komponentlərin (Ryzen 3000 nüvələrinin analoqu Zen 2 hesablama nüvələri və Radeon RX 5700 XT videokartının qrafik sürətləndiricisinin analoqu Navi arxitekturalı qrafik nüvə) daxil olması sayəsində müvəffəq olunacaq.

 

Tərtibatçıların sözlərinə görə, yeni oyun qurğusu "Xbox One X" konsolundan 4 dəfə sürətli olacaq. Konsol "8K" təsvir ölçüsünü, təsvirin yenilənmə tezliyi saniyədə 120 kadr təşkil edən müxtəlif yenilənmə sürətlərini, şüaların real vaxt rejimində istiqamətinin göstərilməsini, "GDDR6" videoyaddaşını, eləcə də SSD toplayıcısını dəstəkləyəcək. Bundan əlavə, "Xbox Scarlett" qurğusunda "Xbox One" konsolu üçün oyunları işə salmaq mümkün olacaq.

 

Xarici görünüşü və qiyməti barədə məlumat verilməyən yeni "Microsoft Xbox" konsolunun 2020-ci ilin sonunda satışa çıxarılması planlaşdırılır.

Realpress.az


14 İyun 2019
İT

Yaponiyada işıqforlar “5G” siqnallarını ötürəcək

Yaponiyada svetoforlar beşinci nəsil mobil rabitə şəbəkəsinin (5G) siqnallarını ötürməyə imkan verən xüsusi avadanlıqla təchiz ediləcək. Bu barədə ölkənin “NHK” telekanalı məlumat verib.

14 İyun 2019
İT

Elektrik enerjisini vulkan daşlarında saxlayan stansiya işə salınıb

Almaniyanın “Siemens” şirkətinin “Gamesa Corporacion Tecnologica” törəməsi yeni istilik elektrik stansiyasının tikintisini başa çatdıraraq istifadəyə verib. Layihənin unikallığı külək elektrostansiyası vasitəsilə toplanan enerjinin vulkan daşlarında saxlanılmasındadır.

14 İyun 2019
İT

Yeni alqoritm robotlara insanların hərəkət istiqamətini tapmağa kömək edəcək

Massaçusets Texnologiya İnstitutunun (MTİ) mühəndisləri tərəfindən işlənib hazırlanmış alqoritm robotlara insanın hərəkət istiqamətini öncədən bilməyə imkan verəcək. Bu xüsusiyyət gələcəkdə robot və insanların birgə işini asanlaşdıracaq.

14 İyun 2019
İT

Didim asteroidinin tədqiqi üzrə missiya üçün radiasiyaya davamlı kompüter hazırlanır

Avropa Kosmik Agentliyi (European Space Agency, ESA) Didim asteroidinə uçacaq "Hera" zondu üçün radiasiyaya davamlı kompüter hazırlamağa başlayıb. Qurğu 4 il ərzində planetlərarası məkanda iş qabiliyyətini qoruyacaq. Bu barədə agentliyin məlumatında deyilir.