“IBM” şirkəti kiberinsidentlərin monitorinqi üçün səyyar mərkəz təqdim edib

“IBM” şirkəti kiberinsidentlərin monitorinqi üçün səyyar mərkəz təqdim edib
11 İyun 2019 15:23

Polşa paytaxtı Varşavada keçirilən "IBM Security Summit" konfransında "IBM" şirkəti informasiya təhlükəsizliyi sahəsində insidentlərin monitorinqi və reaksiyası üçün ilk səyyar "X-Force Command Cyber Tactical Operations Center" (C-TOC) mərkəzini nümayiş etdirib.

 

"ICTnews" Elektron Xəbər Xidməti "SecurityLab" resursuna istinadən yazır ki, "C-TOC" kiberinsidentlərə operativ reaksiya mərkəzinin bütün lazımi avadanlığı ilə təchiz edilən 23 tonluq yük maşınıdır.

 

Məlumata görə, mərkəz tədris kiberpoliqonu kimi, eləcə də kənar hücumların imitasiyası, "bayrağın ələ keçirilməsi" və ya xüsusi təhlükəsizlik hadisələrinin izlənilməsi yarışlarının keçirilməsi üçün istifadə oluna bilər ki, bu da operativ reaksiya prosesinə cəlb edilən əməkdaşlara (SOC mütəxəssislərindən tutmuş, rəhbərliyə qədər) real hücumlara hazırlığı qiymətləndirməyə və kibertəhlükəsizlik və insidentlərə reaksiya strategiyasını təkmilləşdirməyə imkan verəcək.

 

2019-cu il ərzində "C-TOC" mobil kibertəhlükəsizlik təlimi məqsədilə Avropa şəhərlərindən keçəcək. Bu ilin birinci rübündə mərkəz artıq Böyük Britaniya, İrlandiya, Niderland, İspaniya, İsveçrə və Fransada olub.

 

"IBM" şirkətinin statistikasına görə, kiberhücumun qarşısını 30 gün ərzində alan şirkətlər 1 milyon dollara qənaət edə bilərlər. Lakin informasiya təhlükəsizliyi insidentlərinə reaksiya üçün əlaqələndirilmiş plana rəyi soruşulan təşkilat və müəssisələrin yalnız 25 faizi malikdir.

Realpress.az


25 İyun 2019
İT

USB standartının yaradıcısı öz əsas səhvini etiraf edib

USB standartı ilk dəfə 1998-ci ildə “Apple iMac” kompüterində istifadə edilib. Həmin vaxtdan etibarən USB konnektora malik texnikanı düzgün qoşmaq üçün milyardlarla cəhd edilib.

24 İyun 2019
İT

“Raspberry Pi” minikompüterinin yeni modeli təqdim olunub

Böyük Britaniyanın "Raspberry Pi Foundation" şirkəti populyar "Raspberry Pi" birplatalı minikompüterinin dördüncü versiyasını təqdim edib. "Raspberry Pi 4 Model B" adlı yeni qurğunun qeyri-adiliyi istehsal xətti tarixində ən məhsuldar proqram təminatına malik olmasındadır. İstehsalçı nümayəndələrinin sözlərinə görə, 35 dollarlıq minikompüter bir sıra hallarda, o cümlədən "4K" formatlı videonun göstərilməsində ənənəvi fərdi kompüteri əvəz edəcək.

24 İyun 2019
İT

“Huawei” ucuz smartfonlar üçün güclü prosessor təqdim edib

“Huawei” şirkəti yeni mobil qurğular üçün “Kirin 810” prosessorunu təqdim edib. Bu, tez-tez ucuz smartfonlarda tətbiq olunan “Qualcomm Snapdragon 710” prosessoru ilə rəqabət aparmaq üçün nəzərdə tutulmuş qabaqcıl çipdir.

24 İyun 2019
İT

“Nokia” 2,5 dəfə daha çox işləmək qabiliyyətinə malik akkumulyatorlar təqdim edəcək

“Nokia” şirkəti adi müasir batareyalarla müqayisədə 2,5 dəfə daha çox işləmək qabiliyyətinə malik yeni akkumulyatorlar hazırlayır. Bu halda şirkət akkumulyatorun tutumunu və çəkisini artırmağı planlaşdırmır.