ABŞ və Polşa liderlərinin Vaşinqtonda baş tutan danışıqlarının nəticəsi olaraq, Şərqi Avropa ölkəsinə Birləşmiş Ştatlara aid “MQ-9” kəşfiyyatçı-zərbəçi dron eskadrilyasının yerləşdirilməsi ilə bağlı razılaşma əldə olunub
TASS-ın məlumatına görə, bu barədə prezidentlər Donald Tramp və Andjey Duda tərəfindən imzalanmış müdafiə sahəsində əməkdaşlıq haqqında birgə bəyannamədə deyilir.
Razılaşmaya əsasən, tələb olunan infrastrukturun yaradılması üzrə xərcləri Varşava çəkəcək, Vaşinqton hər hansı vəsait ayırmayacaq.
“Birləşmiş Ştatlar bu eskadrilyanın fəaliyyəti nəticəsində əldə olunan informasiyanı lazım gələrsə, bölüşmək niyyətindədir. Məqsəd müdafiə sahəsində olan tapşırıqların yerinə yetirilməsidir", - deyə sənəddə bildirilir.
Bəyannamədə Polşaya dislokasiya olunan ABŞ hərbi kontingentinin min nəfər (hazırda 4,5 min nəfər xidmət edir) artırılması ilə bağlı əvvəl elan olunmuş planlar təsdiqini tapıb.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Çinin 127 milyon əhalisi olan Quandun əyalətindəki daşqın son 100 ilin ən böyük ikinci təbii fəlakəti hesab olunub.