Masallıdakı dəhşətli qəza ilə bağlı yeni faktlar - Qəzada ölən gəncin anası intihar etdi - VİDEO

Masallıdakı dəhşətli qəza ilə bağlı yeni faktlar - Qəzada ölən gəncin anası intihar etdi - VİDEO
12 İyul 2019 10:37

Masallı rayonunda səkkiz nəfərin ölümü ilə nəticələnən mikroavtobus qəzası bir neçə ailəni yasa boğub.

Realpress.az xəbər verir ki, Baku TV-nin əməkdaşları qəza nəticəsində bir evdən üç nəfərin - ata və iki azyaşlı oğlunun öldüyü Rzayevlər ailəsinə baş çəkib.

Əvvəlcə məlum olub ki, bu qəza nəticəsində, əslində, səkkiz deyil, doqquz nəfər ölüb. Belə ki, ailə yaxınlarının verdiyi məlumata görə, hadisə zamanı ölən 2006-cı il təvəllüdlü Rufullayev Ayxan Natiq oğlunun anası intihar edərək həyatına son qoyub. 

Rzayevlər ailəsinin yaxınları qəzada birbaşa "99 LH 458" nömrəli "Mercedes" markalı avtomobilin sürücüsü, Lerik rayon sakini Nizami Mustafayevin günahkar olduğunu bildirirlər. Onların sözlərinə görə, qəzanı törədən şəxs hər zaman avtomobili yüksək sürətlə idarə edirmiş. İddiaya görə, hadisə baş verən gün sürücü 270 kilometrlik yolu bir saata qət edib.

Qəza baş verən günü sürücünün həyat yoldaşı, bacısı və bacısının azyaşlı övladı da avtobusda olub. İddia olunur ki, hətta Nizami Mustafayev maşını yüksək sürətlə idarə etdiyi üçün öz həyat yoldaşı avtobusdan düşərək qayınatasının avtobusuna minib.

Ailənin yaxınları sonda müvafiq qurumlara müraciət edərək, bu kimi sürücülərə qarşı ciddi tədbirlər görülməsini istəyiblər.


23 İyul 2019
Cəmiyyət

Azərbaycanda yeni sürücülük vəsiqəsinin nümunəsi təsdiqlənib - FOTO

Kənd Təsərrüfatı Nazirliyinin Kollegiyası traktor və digər mexaniki nəqliyyat vasitələrini idarə etmək üçün sürücülük vəsiqəsinin təsvirini, spesifikasiyasını və nümunəsini təsdiq edib.

23 İyul 2019
Cəmiyyət

İki uşaq xəstəxanaya atılıb - birinin 10 yaşı var, digəri 5 aylıqdır - VİDEO

Bərdə rayonunda iki azyaşlı uşaq nənəsi və babası tərəfindən xəstəxanaya atılıb.