“Qarabağ” haitili futbolçu Donald Qerye ilə yolları ayırıb.
Realpress.az xəbər verir ki, Haiti millisi ilə “Qızıl Kubok” (Gold Cup) turnirində iştirak edən futbolçu klubla razılaşdırılmış vaxtdan sonra komandasının təlim-məşq toplanışına qayıtmayıb.
Bundan başqa, o, Çempionlar Liqasının I təsnifat mərhələsində “Qarabağ”ın “Partizani” ilə görüşündə iştirak etməyib. Bu səbəbdən də Ağdam klubu futbolçu ilə yolları ayırmaq qərarı verib.
Qeyd edək ki, tam adı Vild-Donald Qerye olan 30 yaşlı sol cinah futbolçusu 2017-ci ilin iyulun 6-da “Qarabağ”la iki illik müqavilə bağlamışdı. Bu ay müqaviləsi başa çatsa da, ötən ilin iyununda klub onunla daha bir illik müqaviləyə qol çəkmişdi.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatında bürünc medal qazanıb.
Kişi şahmatçılar arasında keçirilən Azərbaycan çempionatına yekun vurulub.
Azərbaycan Boks Federasiyasının Mətbuat Xidmətindən Oxu.Az-a verilən məlumata görə, 63,5 kiloqram çəkidə mübarizə aparan yığma üzvü moldovalı Alexandru Parasçivlə qüvvəsini sınayıb.
