Bakıda ağır yanğın baş verib.
REALPRESS Fövqəladə Hallar Nazirliyinin saytına istinadən xəbər verir ki, Nizami rayonunda tikintisi yarımçıq qalmış ( Sovetlər dövründən) yaşayış binasının ümumi sahəsi 210 m2 olan zirzəmisində 4 ailənin məskunlaşdığı otaqların yanar konstruksiyaları 97 m2 sahədə yanıb.
Yanğının kəşfiyyatı zamanı 1983-ci il təvəllüdlü Babaşov Seymur Əkbər oğlu, həyat yoldaşı 1986-cı il Babaşova Cəvahir Əlövsət qızı və övladları 2005-ci il təvəllüdlü Babaşov Fərhad Seymur oğlu, 2007-ci il təvəllüdlü Babaşov Elşad Seymur oğlunun yanmış meyitləri yanğınsöndürənlər tərəfindən aşkar olunaraq, Xüsusi Riskli Xilasetmə Xidmətinin xilasediciləri tərəfindən çıxarılıb və aidiyyatı üzrə təhvil verilib.
Zirzəminin qalan hissəsi və mənzillər yanğından mühafizə olunub.
Yanğın saat 03:49-da yanğınsöndürənlər tərəfindən söndürülüb.
Oktyabrın 6-da Kiyevdə vəhşicəsinə öldürülən 23 yaşlı Cavid Hacıyevin məşhur nəslin nümayəndəsi olduğu məlum olub.
Azərbaycanda daha bir cinayət: tərk edilməklə barışa bilməyən kişi gənc qadını öldürdü
DTX terrorçu dəstəni zərərsizləşdirdi - VİDEO
