Cahangir Əsgərov küveytli həmkarı ilə saziş imzaladı – FOTO

Cahangir Əsgərov küveytli həmkarı ilə saziş imzaladı – FOTO
16 Noy 2016 17:19

“Azərbaycan Hava Yolları” (AZAL) QSC-nin prezidenti Cahangir Əsgərovvə Küveyt Mülki Aviasiya İdarəsinin baş direktoru Yusif Əl-Fuzan (Yousef Al-Fouzan) iki ölkə arasında hava əlaqəsi haqqında hökumətlərarası saziş imzalayıb.

Bu barədə Oxu.Az-a AZAL-dan bildirilib.

Qeyd olunan sazişin imzalanması nəticəsində ölkələr arasında hava əlaqəsinin açılması üçün maneələr aradan qaldırılıb ki, bu da Azərbaycan və Küveyt arasında ikitərəfli iqtisadi və mədəni əlaqələrin daha da inkişaf etməsinə təkan verəcək.

Mülki aviasiya ölkələri arasında millətlərarası mübadilənin təmin olunmasında mühüm rol oynayır və  Azərbaycanla Küveyt arasında sərnişindaşımaları bazarının tələbatını ödəməyə hazırdır.

Xüsusilə, Azərbaycanın milli daşıyıcısı “Azərbaycan Hava Yolları” və yükdaşıyıcısı “Silk Way Airlines” Küveyt şəhərlərinə birbaşa reyslərin açılması imkanlarını araşdırırlar. Eyni zamanda, Küveytin “Əl-Cəzirə” aviaşirkəti ölkəmizə birbaşa reyslər açmaq niyyətindədir.

Qeyd edək ki, sazişin imzalanması cari il noyabrın 24-də Küveytdə Azərbaycanın turizm bazarının potensialının təqdimatı ərəfəsində həyata keçirilib.

 


13 Apr 2021
Turizm

İtaliya sərhədlərini turistlərə açacağı tarixi və şərtləri açıqladı

İtaliya bu yay sərhədlərini turistlərə üç şərtdən birinə əsasən açacaq.

30 Mar 2021
Turizm

“Buta Airways” İstanbul və İzmir şəhərlərinə yerinə yetirilən reyslərin sayını artırır

Aprel ayından etibarən “Buta Airways” aşağıbüdcəli aviaşirkəti Bakıdan İstanbul və İzmir şəhərlərinə yerinə yetirdiyi xüsusi reyslərin sayını tədricən artırmağı planlaşdırır. 

4 Mar 2021
Turizm

Azərbaycanda Dağıstan həftəsi keçiriləcək - FOTO

Azərbaycanda onlayn rejimdə Dağıstan həftəsi keçiriləcək. Tədbir Dağıstan İxraca Dəstək Mərkəzinin rəhbəri Ruslan Abasquliyevin “Rossotrudnichestvo”nun (MDB işləri, xaricdə yaşayan həmvətənlər və beynəlxalq humanitar əməkdaşlıq üzrə Federal Agentlik) Azərbaycandakı nümayəndəliyi ilə apardığı danışıqlar sayəsində mümkün olub.

25 Fev 2021
Turizm

Pakistan Beynəlxalq Hava Yolları Azərbaycana birbaşa uçuşların açıldığını elan edib

Pakistan Beynəlxalq Hava Yolları (PİA) Azərbaycana birbaşa uçuşların açılması barədə xəbər verib.

4 Fev 2021
Turizm

Azərbaycana hansı vətəndaşlar gələ bilər? - AZAL aydınlıq gətirdi

“Azərbaycan Hava Yolları” QSC Azərbaycana hansı vətəndaşların gələ biləcəyi ilə bağlı məlumat yayıb.