İnstitut direktoru: Ermənilər 300-dən çox məscidi yerlə yeksan ediblər

İnstitut direktoru: Ermənilər 300-dən çox məscidi yerlə yeksan ediblər
24 Noy 2016 17:54

Erməni vandalları köçürülüb gətirildikləri Azərbaycan torpaqlarından yerli türk-müsəlman əhalini didərgin salmaq üçün onların dini ibadət yerlərini – yüz illərlə öz varlığını qoruyub saxlamış nadir memarlıq inciləri olan 300-dən çox məscidi, çoxlu sayda minarələri, türbələri, ziyarət yerlərini, qəbiristanları yerlə yeksan ediblər.

REALPRESS-in məlumatına görə, bunu jurnalistlərə Azərbaycan Milli Elmlər Akademiyasının (AMEA) Tarix İnstitutunun direktoru Yaqub Mahmudov deyib.

Tarixçi alim əlavə edib ki, vandallar ilk növbədə, İrəvandakı qədim məscidləri məhv ediblər.

Onun sözlərinə görə, erməni vandalları İrəvan qalasındakı Xan sarayını (Sərdar sarayı) dağıdıb yerində konyak zavodu tikiblər. Xan sarayının 1578-ci ildə Azərbaycan Səfəvi dövlətinin İrəvan bəylərbəyi Toxmaq xan tərəfindən tikdirildiyini deyən direktor qeyd edib ki, İrəvan rəsmiləri bu gün xaricdən gələn qonaqlara və tədqiqatçılara “qədim erməni torpağında” və onun “qədim paytaxtında” yaşı 200 ildən yuxarı bir dənə də olsun tarixi abidə göstərə bilmirlər.

Y.Mahmudov qeyd edib ki, 1918-ci il mayın 29-da Şimali Azərbaycanda – keçmiş İrəvan xanlığının ərazisində erməni dövləti yaradılıb:

"Ermənilər hər cür saxtakarlıqla regionun, Azərbaycanın tarixini öz əraziləri kimi təqdim etmək istəyirlər. Əslində isə 1918-ci il mayın 29-da İrəvan şəhərini və ətrafındakı 9 min kvadrat kilometr yeri onlara biz vermişik, ona kimi burada erməni dövləti olmayıb. Amma onlar özlərini ən qədim aborigen əhali, bizləri isə köçüb gələn kimi təqdim ediblər".

Y.Mahmudovun sözlərinə görə, müstəqillik dövründə Azərbaycan tarixi yenidən yazılır:

"Bizim tariximiz amansızcasına təhrif olunub. Xüsusilə, erməni saxtakarlar tariximizi başqa formada təqdim ediblər. Buna görə də tariximizi yenidən, olduğu kimi yazırıq. Bunları yazdıqca zərərli konsepsiyaları uyduranlar çox narahat olmağa başlayır, ölkəmizə qarşı hücumlar getdikcə kəskinləşir. Çünki biz tariximizi bərpa edirik".


17 May 2021
Hərbi

Azərbaycan ordusu təlimlərdə tapşırıqların növbəti mərhələsini icra edir - VİDEO

Təlimlərdə plana uyğun olaraq qoşunların fəaliyyətləri ilə bağlı verilən tapşırıqlar səhra idarəetmə məntəqələrində xəritələr üzərinə işlənilir.

17 May 2021
Hərbi

Vətən müharibəsində düşmənə endirilən ilk aviazərbənin təfərrüatı açıqlanıb - FOTO

“Polkovnik-leytenant Əliyar Əsgərov, mən və mayor Sabir Nəsirov rəhbərlik tərəfindən müəyyən edilmiş istiqamətdə düşmənin motoatıcı birləşməsinə zərbə endirmək əmri aldıq. İlkin olaraq Əliyar Əsgərov tapşırığı icra etdi, sonra mən və mayor Sabir Nəsirov verilən hədəfə zərbə endirdik. İlk döyüş uçuşumuz belə oldu”.

17 May 2021
Hərbi

Azərbaycan Ordusunun döyüş aviasiya vasitələrinin genişmiqyaslı təlimi - VİDEO

Azərbaycan Ordusunda keçirilən təlimlərin planına uyğun olaraq döyüş aviasiya vasitələrinin yerdəyişməsi həyata keçirilir.

17 May 2021
Hərbi

Azərbaycan Ordusunun təlimə cəlb edilən tank bölmələri tapşırıqları yerinə yetirir - VİDEO

Azərbaycan Ordusunda müxtəlif qoşun növlərinin cəlb edilməsi ilə keçirilən təlimlər davam edir.

16 May 2021
Hərbi

Müharibədən sonra 21 mindən çox şəxsə dəstək göstərilib - RƏSMİ

Prezident İlham Əliyevin tapşırığına əsasən, postmüharibə dövründə Əmək və Əhalinin Sosial Müdafiəsi Nazirliyi tərəfindən şəhidlərin ailə üzvləri, qazilər, müharibə əlilləri, erməni terrorundan zərər çəkənlər, onların yaxınları ilə bağlı icra olunan sosial dəstək tədbirləri artıq 21 mindən çox şəxsi əhatə edib.