REALPRESS.AZ TREND.AZ -a istinadən xəbər verir ki,
Azərbaycanın Xocalı soyqırımı ilə bağlı məhkəmə prosesinə başlaması dünyada böyük əks-səda doğura bilər.
Trend-in məlumatına görə, bunu millət vəkili Asim Mollazadə Milli Məclisin, “Qüdrətli Azərbaycan Naminə” İctimai Birliyinin və Azərbaycan Prezidenti yanında Qeyri-Hökumət Təşkilatlarına Dövlət Döstəyi Şurasının birgə hazırladığı “Soyqırım və etnik təmizləmə cinayətlərinin dünya səviyyəsində tanınmasının hüquqi aspektlərinin öyrənilməsi” layihəsinin təqdimat mərasimində səsləndirib.
Məsələyə daha real prizmadan yanaşmağı təklif edən deputat Azərbaycanın bu məsələdə gecikdiyini qeyd edib:
“BMT Təhlükəsizlik Şurasının bununla bağlı hansısa addım ata biləcəyinə ümidimiz yoxdur. Amma beynəlxalq məhkəmə cinayətkarları cəzalandıra bilər. Ölkəmiz beynəlxalq hüquqşünasların iştirakı ilə Azərbaycanda belə bir məhkəmə prosesinin keçirilməsinə nail olmalıdır. Hazırda 38 erməni cinayətkar Ermənistanda və Rusiyada yaşayır. Azərbaycan Rusiya ilə imzaladığı sazişə istinad edərək bu cinayətkarların Azərbaycana təhvil verilməsinə nail olmalıdır".
Ötən gün müzəffər Azərbaycan ordusu Zəngilanın 13 kəndini və Ağbənd qəsəbəsini işğaldan azad edib.
Ermənistan tərəfinin Azərbaycan ordusunun əks-hücumu nəticəsində məhv edilmiş hərbçilərinin sayı 900-ü keçib.
Azərbaycan ordusunun Qarabağda həyata keçirdiyi uğurlu hərbi əməliyyatlar davam edir.
Düşmənin qüvvə və vasitələri darmadağın edilib, mövqelərinə zərbələr endirilib.
Azərbaycan Respublikasının Baş Prokurorluğu tərəfindən aparılmış araşdırmalarla Ermənistan silahlı qüvvələri tərəfindən işğal olunmuş ərazilərimizdə qeyri-qanuni hasilat işləri ilə məşğul olan, o cümlədən qızıl və və digər metal filiz yataqlarını istismar edən, eləcə də nərə balığı və qara kürü, elektrik enerjisi istehsalı, qanunsuz saat satışı, bankçılıq fəaliyyəti ilə məşğul olan fiziki və hüquqi şəxslər müəyyən edilib.
