Nikahdan əvvəl tibbi müayinələrin sayı artırıla bilər

Nikahdan əvvəl tibbi müayinələrin sayı artırıla bilər
18 Noy 2016 08:39

Azərbaycanda nikahdan əvvəl həyata keçirilən tibbi müayinələrin sayı artırıla bilər.

 
Milli Məclisin Səhiyyə komitəsinin üzvü Musa Quliyev Trend-ə bildirib ki, irsi, infeksion xəstəliklərin bir şəxsdən digərinə və ya valideyndən övlada ötürülməsinin qarşısını almaq üçün nikahdan öncə tibb müayinələrin keçirilməsi çox mühüm bir addım idi.
M.Quliyev bildirib ki, müayinə olunan xəstəliklərin sayının artırılması məsələsi də gündəmdədir: 
"Ancaq ən aktual xəstəliklər önə çəkilməklə 5-ə qədər xəstəliyin müayinəsi qərara alındı. Müayinələr çox olanda həm insanların vaxtı çox gedir, həm çox xərc tələb olunur. Müayinələrin çoxluğu ilk əvvəl insanları qorxuya da sala bilərdi. Amma tədricən siyahını artırmaq olar. İlk növbədə, C qrup hepatitlərini və daha çox sosial xarakter daşıyan genetik xəstəlikləri üzə çıxarıb, bu siyahıya daxil etmək olar. Ancaq mən düşünürəm ki, bunun əvəzinə daha çox maarifləndirmə işləri aparılmalıdır və aparılır da. 
Uşaqlar ilk doğulan dövrdə onların müayinələri aparılır, artıq elektron səhiyyə yaranıb, hər bir uşağın çip kartında xəstəliklərinin olub-olmadığı əks olunur. Bu imkan verəcək ki, nikahdan öncəyə qədər kimin hansı xəstəlik daşıyıcısı olub-olmaması aşkarlansın. Hesab edirəm ki, tibbi müayinələrin tətbiqinin iki ilinin tamamında bu işin monitorinqi aparılar və ən çox aktuallıq tələb edən daha bir neçə xəstəliyi bu siyahıya əlavə etmək olar. Ancaq siyahının həddən artıq genişləndirilməsi praktiki cəhətdən mümkün deyil və özünü doğrultmayacaq”.
M.Quliyev bildirib ki, ötən dövr ərzində 210 minə yaxın nikaha girmək istəyən şəxs müayinədən keçib və müayinələrin nəticəsində təxminən 6700-ə yaxın insanın talasemiya daşıyıcısı və yaxud da xəstəsi olduğu aşkara çıxarılıb, 150-ə yaxın insanda HİV virusu tapılıb: 
"Bu çox böyük addımdır. Biz qanunu qəbul edən zaman bir qrup insanlar deyirdilər ki, cəmiyyət buna hazır deyil, bu müayinələrə getməyəcəklər, qeyri-rəsmi nikahların sayı artacaq. Son 1 ilin müşahidələri göstərir ki, bu heç də belə deyil, insanlar bunu başa düşürlər və çox həvəslə də bu müayinələrdən keçirlər. Müayinələrin büdcə hesabına həyata keçirilməsi də dövlətin bu işə çox böyük dəstəyidir”.


17 Sent 2019
Səhiyyə - Sağlamlıq

"Əhalimizin sağlamlıq qayğısının yeni adı - Günəbaxan"

Hər kəs üçün özü ilə günəşin istisini, səmanın təmizliyini və təbiətin gözəlliyini gətirdi...

17 Sent 2019
Səhiyyə - Sağlamlıq

Meyvə-tərəvəzlər 20 dəqiqə suyun içində saxlayın, əti bişirməzdən əvvəl yumayın... - Mütəxəssisin tövsiyələri

Düzgün qidalanma sağlam həyatı şərtləndirən vacib şərtlərdəndir. Sağlamlığı qorumağın əsas şərtlərindən biri də qida zəhərlənmələrindən qorunmaq, tərkibində bakteriyalar olan məhsullardan uzaq olmaqdır.

16 Sent 2019
Səhiyyə - Sağlamlıq

Beyin qan dövranını yaxşılaşdırmağın 5 YOLU

Əgər bir gün bir anda beyinə kifayət qədər qan getməzsə nə olacağını bilirsinizmi?

16 Sent 2019
Səhiyyə - Sağlamlıq

Adı Quranda keçən, xərçəngi məhv edən CƏNNƏT MEYVƏSİ

Orqanizm üçün ən faydalı meyvələrdən biri də nardır. Narın nəinki özü, dənələri, hətta qabığı da şəfa mənbəyidir.

16 Sent 2019
Səhiyyə - Sağlamlıq

XƏRÇƏNGin sübut olunmuş 5 SƏBƏBİ

Rusiya Səhiyyə Nazirliyinin baş mütəxəssisi tanınmış onkoloq Andrey Kaprin xərçəngin elm tərəfindən  sübut olunmuş səbəbləri haqqında danışıb.