Samir Abasov: Neftçiyə mümkün məğlubiyyəti faciəyə çevirməyəcəyik

Samir Abasov: Neftçiyə mümkün məğlubiyyəti faciəyə çevirməyəcəyik
18 Noy 2016 13:02

"Sumqayıt"ın baş məşqçisi Samir Abasovun azerisport.az a istinadən müsahibəsini təqdim edirik.

- Çempionatda yaranmış fasilədən necə yararlana bildiniz?
- Yaxşı. Bu müddətdə "İnter"lə yoxlama oyunu keçirdik. Pis məqamlardan biri U-21 yığmamızın düşərgəsində olan Yusif Nəbiyevin komandaya ciddi zədə ilə qayıtması oldu. O, bizdə əsas heyət oyunçusu idi. Heyətimizin elə də geniş olmadığını nəzərə alsaq, bu, bizim üçün böyük itkidir. Amma bunu faciəyə çevirmək fikrimiz də yoxdur.

- Qarşıda sizi "Neftçi" ilə oyun gözləyir...
- Bu komanda son oyununda "İnter"ə qalib gəlib (2:1). Orada mübahisəli penalti olsa da, məsələ bunda deyil. İstənilən halda meydanı qalib tərk ediblər. Bu üzdən də komandada yüksəliş hiss olunur. Bizimlə oyunda da xal qazanmaq istəyirlər. Hətta qalib gəlsələr, turnir cədvəlində bizi qabaqlayacaqlar. Bu baxımdan motivasiya da onlarda çoxdur. Amma biz öz meydanımızda oynayacağıq. Birinci dövrədə bakılılara qalib gəlmişdik. Bazar günü iki Azərbaycan komandası üz-üzə gələcək. Çünki "Neftçi"də də demək olar ki, legioner qalmayıb. Özünü Azərbaycan yığmasının baş məşqçisinə göstərmək üçün bundan yaxşı matç təsəvvür etmək olmaz.

- Məğlub olacağınız halda geriləməyiniz gərginlik yaratmır?
- Məğlubiyyəti faciəyə çevimrməyəcəyik. Amma bu, uduzmağa hazırlaşdığımız anlamına da gəlmir. Mübarizə aparacağıq.

- Belə bir vəziyyətdə heç-heçəni sizin üçün qənaətbəxş nəticə saymaq olar?
- Heç-heçə barədə düşünmürük. Uşaqların da beynini doldurmuşam ki, bizim belə bir fikrimiz ola bilməz. Ancaq qələbə barədə düşünürük.

- "Sumqayıt"ın işləri heç də yaxşı getmir. Qışda vəziyyəti dəyişmək üçün hansısa planlar qurmusunuz?
- Reallıq var, onunla da barışmaq lazımdır. Heyət baxımından yüksək pillələr uğrunda mübarizə aparmağımız mümkün deyil.

- Deməli, mövsümün əvvəlindən fikriniz ancaq elitada qalmaq olub?
- Bu barədə düşünmürük. Optimist olmağa çalışırıq. Mümkün qədər yüksək pillələrdə yer almaq üçün mübarizə aparırıq. Amma zəif mövqelərimizi digər klublar kimi güclü oyunçularla möhkəmləndirə bilmirik. Qışda müəyyən dəyişiklər etməyi düşünürük. Ən azından çalışacağıq. Maliyyə imkanlarımız bu istəyimizə çatmağa nə dərəcədə kömək edəcək, zaman göstərəcək. Amma bu heyətlə də mübarizə aparmaq olar.

- Qışda Türkiyəyə yollanmaq planınız var?
- Bəli, belə bir planımız var. Amma hər şey dəyişə bilər. Məni baş məşqçi olaraq ancaq sınaqçı rəqiblər və qalacağımız otel maraqlandırır. Ötən il getdiyimiz yerə yollanmaq istəyirik. O vaxt bir həftə ərzində dörd yoxlama oyunu keçirmişdik, çox məhsuldar toplanış alınmışdı.


21 Fev 2022
Müsahibə

Slobodan Samarciya: “Serbiya ilə Azərbaycan əsl dostdur”

“Azərbaycan və Serbiyanın ümumi maraqları ilk növbədə ondan irəli gəlir ki, onlar öz tarixlərinin əhəmiyyətli hissəsini daha böyük dövlət ittifaqı çərçivəsində yaşamış iki müstəqil ölkədir: Azərbaycan SSRİ-nin tərkibində idi, Serbiya isə keçmiş Yuqoslaviya respublikalarından biri olub”.

14 Fev 2022
Müsahibə

Vidadi Əhmədov: "Turan Tovuz"a 100 adamdan biri kimi dəstək verə bilərəm"

Tovuzun "Turan” klubunun qurucusu və sabiq prezidenti Vidadi Əhmədovun "Realpress.az"a müsahibəsi

10 Fev 2022
Müsahibə

Maksim Şevçenko: “Minsk prosesi” yoxdur, onu unutmaq lazımdır - MÜSAHİBƏ

Rusiya prezidenti Vladimir Putinlə fransalı həmkarı Emmanuel Makron arasında son danışıqlardan sonra Fransa lideri Ermənistanda tənqid olunmağa başlayıb. Belə ki, erməni siyasi müşahidəçi Naira Ayrumyan qeyd edib ki, fevralın 4-də Azərbaycan Prezidenti İlham Əliyevin, Avropa İttifaqının sədri kimi Makronun özünün, Avropa Şurasının rəhbəri Şarl Mişel və Ermənistanın baş naziri Nikol Paşinyanın iştirakı ilə videokonfrans vasitəsilə keçirilən görüşdə Fransa rəhbəri ATƏT-in Minsk prosesi çərçivəsində Qarabağ üzrə danışıqların bərpasının zəruriliyindən bir kəlmə də danışmayıb.

9 Fev 2022
Müsahibə

Aleksandr Proxanov: “Gec-tez Ankara Rusiya ilə qarşıdurmaya gedə bilər” – MÜSAHİBƏ

Bu yaxınlarda Rusiya və Çin liderləri Vladimir Putin və Si Cinpin həm təhlükəsizlik təminatlarına, həm də xarici qüvvələrin suveren ölkələrin daxili işlərinə müdaxiləsinin yolverilməzliyinə aid birgə bəyanatı imzaladıqdan sonra məlum oldu ki, dünyada anti-Qərb strukturu qurulur.