Səyavuş Kərimi: Özünü kişi hesab edənin adı Soso olmaz

Səyavuş Kərimi: Özünü kişi hesab edənin adı Soso olmaz
27 Okt 2016 15:40

Azərbaycanın görkəmli sənət adamları arasında Gürcüstan və Rusiya müğənnisi Soso Pavliaşvilinin noyabrın 30-da Bakıda Heydər Əliyev Sarayında verəcəyi konsertinə qarşı etiraz edənlərin sayı artmaqdadır. 

Realpress.Az xəbər verir ki, bu dəfə məsələyə münasibətlərini BAKU.WS vasitəsilə Azərbaycan Milli Konservatoriyasının rektoru, Xalq artisti, bəstəkar Səyavuş Kərimi və Xalq artisti Flora Kərimova bildiriblər.

S.Kərimi Soso Pavliaşvilinin öz müsahibəsində “Mən Bakını ermənilərə görə sevmişəm” ifadəsinə öz sərt mövqeyini ifadə edib:

“Soso erməniləri belə çox sevəndir, gedib, onlar üçün oxusun! Niyə Bakıya gəlir ki?! Bu adam gedib Qarabağda çıxış edirsə, onu ümumiyyətlə, Azərbaycana, Bakıya buraxmaq düzgün deyil. İkinci bir tərəfdən isə Soso Pavliaşvili haqqında danışarkən, ağıla heç də böyük musiqi və ya sənət gəlmir. O, restoran müğənnisidir. O, uzaqbaşı gedib, kababxanada oxuya bilər. Gedib ermənilər üçün oxusun. Gəlib bu camaata “mədəniyyət dərsi” keçməsin. Onu bura niyə çağırırlar axı?! 

Soso deyir ki, “Mən Bakını ermənilərə görə tanımışam”. Bu, nə sözdür? Mən anlamıram, Bakı erməni şəhəridir ki, sən buranı ermənilərə görə tanıyasan? Nə qədər piyan olasan ki, Sosoya qulaq asa biləsən. Özünü kişi hesab edənin elə adı olmaz: Soso...”.

“Soso, Azərbaycan xalqı sənin üzünə tüpürür!”.

Xalq artisti Flora Kərimova da ortaya sərt mövqe qoyub:

“Soso Pavliaşvili, sən hansı üzlə Azərbaycana gəlirsən? Millətimin qürurunu tapda, get, oğullarımın qanı ilə sulanmış, 24 ildir üzünə həsrət qaldığım Qarabağımda konsert ver, pul qazan, sonra o millətin özü kimi qondarma erməni soyqırımını tanı, onlarla qardaş olduğunu de. Bir qarın çörək üçün Qarabağımda diz üstə sürünən sən, hansı haqla bu torpağıma, məmləkətimə gəlib, mənim udduğum havanı udacaqsan, yediyim yeməyi yeyib, paytaxtımda gəzəcəksən? 

Sən soruşdun ki, bu millət səni görmək istəyir, ya yox!? Od içində yanan torpağa hansı ürəklə ayaq basacaqsan? Azərbaycan xalqı sənin üzünə Qarabağa ayaq basanda tüpürdü! Tüpürcəyi üzündən silsən də, ömür boyu ləkəsi qalacaq! Torpağımın yiyəsi var, o da xalqımdır! Bura gəlmə! Sənin burada qazandığın xeyriyyəçiliyin öz qarnına belə çatmaz. Millətim o günə qalıb ki, sənin kimisi gəlib, burada xeyriyyə konserti versin?!

Milli qeyrətini erməni yollarında səpələyən Soso, sənin xeyriyyə konsertinə ehtiyacımız yoxdur, ay bədbəxt! Millətimin heysiyyatını çəkən, namusunı qoruyan, sabahını düşünən, vuran əli, sizin kimi satqın, qeyrətdən xəbəri olmayan heçlərə cavab verən ordum var. Millətim var, dövlətim var”.


12 İyul 2020
Şou-biznes

Məşhur hind aktyoru Amitabx Baççan da koronavirusa yoluxdu - FOTO

Hind aktyoru və Bollivud ulduzu Amitabx Baççan koronavirusa yoluxub.

23 İyun 2020
Şou-biznes

“Avroviziya” seçimində şöhrət qazanan yeni mahnı və klipini təqdim etdi - VİDEO

“Avroviziya 2013”ün milli seçimində iştirak etdikdən sonra şöhrət qazanan müğənni Ləman Dadaşovadan xəbər var.

12 İyun 2020
Şou-biznes

Ağciyərində şiş aşkarlanan Əməkdar artist canlı efirdə ağladı: “Yıxılan insan deyiləm” - VİDEO

“Ağrılarım kürəyimə və böyrəklərimə vurub. İndi isə qarın hissəmə vurur. Kimyaterapiya hansısa bölgəyə təsir edir. Bu da məni çox incidir. Qarın hissəmdən beş dəfə əməliyyat olunmuşam. Bərk ağrılarım var. Çalışıram ki, yıxılmayım”.

10 İyun 2020
Şou-biznes

Əməkdar artist yenidən xəstəxanaya yerləşdirildi - FOTO

Xərçəng xəstəliyindən əziyyət çəkən, “Toppuş bacı” ləqəbi ilə şou-biznesdə məşhurlaşan Əməkdar artist Tünzalə Əliyeva yenidən xəstəxanaya yerləşdirilib.

9 İyun 2020
Şou-biznes

“Jara” təxirə salındı - VİDEO

Yayın əsas hadisəsi “Jara-2020” beynəlxalq musiqi festivalı koronavirus pandemiyası səbəbi ilə təxirə salınıb.