Ukraynanın Sumı vilayəti Azərbaycanla əməkdaşlığa böyük maraq göstərir

Ukraynanın Sumı vilayəti Azərbaycanla əməkdaşlığa böyük maraq göstərir
29 Noy 2016 09:52

Azərbaycanın Ukraynadakı səfiri Azər Xudiyev Sumı vilayətinin qubernatoru Nikolay Kloçko ilə görüşüb.

REALPRESS-in məlumatına görə, Azərbaycanı bölgədə Ukraynanın ən etibarlı dostu və tərəfdaşı adlandıran Sumı vilayətinin qubernatoru N.Kloçko ölkələrimiz arasında mövcud olan səmərəli iqtisadi və mədəni əlaqələrdən söz açıb. Vilayətin aqrosənaye komplekslərində istehsal olunan kənd təsərrüfatı məhsullarının Ukrayna ilə yanaşı, Şərqi Avropanın bir sıra ölkələrinə ixrac olunduğunu deyən qubernator bu sahədə böyük potensiala malik Azərbaycanla qarşılıqlı əməkdaşlığa xüsusi maraq göstərdiklərini vurğulayıb. O, rəhbərlik etdiyi vilayətdə böyük ət və süd məhsulları kombinatları, şəkər zavodları, bitki yağları istehsal edən zavodlar və digər aqrosənaye kompleksləri haqqında məlumat verərək, burada istehsal olunan keyfiyyətli kənd təsərrüfatı məhsullarının Azərbaycana, ölkəmizdə istehsal olunan kənd təsərrüfatı məhsullarının isə Sumı vilayətinə göndərilməsinin vacibliyini vurğulayıb.

Ötən il Azərbaycanın Xarkov şəhərindəki fəxri konsulu Əfqan Salmanovun təşəbbüsü ilə ölkəmizdə işgüzar səfərdə olduğunu nəzərə çatdıran qubernator Azərbaycanın inkişaf edərək bölgədə lider dövlətə çevrilməsindən qürur hissi duyduğunu bildirib. Ölkəmizdə Prezident İlham Əliyevin bir çox sahələrlə yanaşı, regionların inkişaf strategiyasına, xüsusən də kənd təsərrüfatının modernləşdirilməsinə göstərdiyi diqqəti təqdirəlayiq hal hesab etdiyini vurğulayıb.

Ölkələrimiz arasındakı tarixi dostluq əlaqələrindən söz açan Azərbaycanın Ukraynadakı səfiri A.Xudiyev son illər Prezident İlham Əliyevin rəhbərliyi ilə ölkəmizdə həyata keçirilən qlobal sosial-iqtisadi layihələrdən bəhs edib. Ölkəmizdə əlverişli investisiya mühitindən söz açan diplomat Sumı vilayəti ilə Azərbaycanın aqrosənaye kompleksləri arasında qarşılıqlı əlaqələrin qurulması və bu sahədə birgə istehsal müəssisələrinin yaradlmasının vacibliyini bildirib.

Görüş zamanı Sumı vilayəti ilə Azərbaycanın kənd təsərrüfatı rayonları arasında iqtisadi, mədəni, elmi-texniki əlaqələrin inkişaf etdirilməsi, idman və turizm sahələrində əməkdaşlığın genişləndirilməsi məsələləri müzakirə olunub.


17 Apr 2024
Siyasət

İlham Əliyevdən Şuşa şəhəri ilə bağlı SƏRƏNCAM

Prezident İlham Əliyev Şuşa şəhərinin 2024-cü il üçün “İslam Əməkdaşlıq Təşkilatının gənclər paytaxtı” seçilməsi ilə bağlı tədbirlər haqqında Sərəncam imzalayıb. 

17 Apr 2024
Siyasət

Filippin prezidenti İlham Əliyevi təbrik etdi

Filippin Respublikasının Prezidenti Ferdinand Markos Azərbaycan Respublikasının Prezidenti İlham Əliyevə təbrik məktubu göndərib. 

17 Apr 2024
Siyasət

İlham Əliyev Kayrat Sarıbayı qəbul edib - YENİLƏNİB

Azərbaycan Respublikasının Prezidenti İlham Əliyev aprelin 17-də Asiyada Qarşılıqlı Fəaliyyət və Etimad Tədbirləri üzrə Müşavirənin Baş katibi Kayrat Sarıbayı qəbul edib.

17 Apr 2024
Siyasət

İlham Əliyev Asiyada Qarşılıqlı Fəaliyyət və Etimad Tədbirləri üzrə Müşavirənin baş katibini qəbul edib

Azərbaycan Respublikasının Prezidenti İlham Əliyev aprelin 17-də Asiyada Qarşılıqlı Fəaliyyət və Etimad Tədbirləri üzrə Müşavirənin Baş katibi Kayrat Sarıbayı qəbul edib.

17 Apr 2024
Siyasət

Bakıda Leyla Əliyevanın iştirakı ilə növbəti abad həyətlər sakinlərin istifadəsinə verilib - FOTO

“Yaşıl dünya naminə həmrəylik ili” çərçivəsində Heydər Əliyev Fondunun vitse-prezidenti, “IDEA” İctimai Birliyinin təsisçisi və rəhbəri Leyla Əliyevanın təşəbbüsü ilə Bakı şəhəri Xətai rayon Rahib Məmmədov küçəsi 4. 4a. 15q. və Cavanşir küçəsi 7 və 9 saylı ünvanlarında 2200-dən çox sakinin yaşadığı çoxmərtəbəli binaları əhatə edən həyətlər abadlaşdırılaraq sakinlərin istifadəsinə verilib.