YARAT Samirə Əfəndiyevanın iştirakı ilə canlı musiqi axşamına dəvət edir

YARAT Samirə Əfəndiyevanın iştirakı ilə canlı musiqi axşamına dəvət edir
29 Noy 2016 14:18

YARAT Mərkəzində “Musiqi axşamları” silsiləsi bərpa edilib. YARAT Müasir İncəsənət Mərkəzindən verilən məlumata görə, noyabrın 30-da müğənni Samirə Əfəndiyevanın iştirakı ilə canlı musiqi axşamı keçiriləcək. İstedadlı sənətçi ifası ilə yanaşı, sərgilərlə bağlı təəssüratlarını da tamaşaçılarla bölüşəcək. Gecənin xüsusi qonağı tanınmış mügənni Tünzala Ağayeva olacaq.

S.Əfəndiyeva “Böyük səhnə” Beynəlxalq Vokal layihəsinin və "Səs Azərbaycan” yarışmasının iştirakçısı və finalistidir. Samirənin musiqiyə olan sevgisi hələ uşaqlıq illərindən başlayıb və artıq 3 yaşından Oqtay Zülfüqarovun rəhbərlik etdiyi Uşaq filarmoniyasının solisti idi. K.Səfərəliyev adına musiqi məktəbini bitirdikdən sonra, Azərbaycan Milli Konservatoriya nəzdində Musiqi Kollecinə daxil olur. Həmçinin, S.Əfəndiyeva "Baku Project" qrupu ilə birgə Vyanada yerləşən Azərbaycan Mədəniyyət Mərkəzinin 3 illiyinə həsr olunmuş konsertdə çıxış edib və 2016-cı ildə Alanyada keçirilən jaz festivalının iştrakçısı olub.

Əməkdar artist T.Ağayeva Azərbaycan müğənnisi və bəstəkarıdır. O, Tovuzda musiqi məktəbinin piano sinfini bitirmiş və daha sonra təhsilini Gəncə şəhərində Qəmbər Hüseynli adına musiqi texnikumu fortepiano sinfində davam etdirib. O, həm də Üzeyir Hacıbəyov adına Dövlət Musiqi Akademiyasında bəstəkarlıq dərsləri alıb. 2001-ci ildə “Bakı payızı” gənc ifaçılar müsabiqəsinin qalibi olub. Bir sıra beynəlxalq musiqi festivallarında iştirak edib, o cümlədən: 2002-ci Rusiyada keçirilmiş Türksoy - Türk Gənclərinin Beynəlxalq Musiqi Yaradıcılığı Festivalının qalibi və Çexiyada 2006 və 2007-ci illərdə keçirilən «Barevna Planet» Beynəlxalq Müasir Musiqi Festivalının iştirakçısıdır.


23 İyun 2020
Mədəniyyət

Koronavirusdan ölən xalq artistinin oğlu da COVID-19-a yoluxdu - VİDEO

Koronavirusdan ölən Xalq artisti, Prezident təqaüdçüsü Teymur Mustafayevin oğlu da bu COVID-19-a yoluxub.

13 İyun 2020
Mədəniyyət

Şəki Dövlət Dram Teatrı məşqlərini teatr səhnəsində davam etdirir - FOTO

Şəki Dövlət Dram Teatrı Ümumdünya Səhiyyə Təşkilatı (ÜST) və Tibbi Ərazi Bölmələrinin İdarəetmə Birliyinin (TƏBİB) tövsiyə etdiyi maska istifadəsi və sosial məsafə nəzərə alınmaqla pandemiya dövründə də öz işini davam etdirib. 

12 İyun 2020
Mədəniyyət

AZAL rəsmisindən Bakı-Naxçıvan reysi ilə bağlı MÜHÜM AÇIQLAMA

“Bakı-Naxçıvan və ya Naxçıvan-Bakı istiqamətində bilet alındıqdan sonra TƏBİB-in xüsusi laboratoriyasında sərnişin barədə məlumat çıxacaq”.

12 İyun 2020
Mədəniyyət

Xalq artisti Teymur Mustafayev vəfat etdi

Azərbaycan mədəniyyətinə ağır itki üz verib. 

25 May 2020
Mədəniyyət

Əbülfəs Qarayevin vəzifəsini kim icra edir? - AÇIQLAMA

“Bəzi kütləvi informasiya vasitələrində Mədəniyyət nazirinin səlahiyyətlərinin nazirin birinci müavininə həvalə olunması barədə yayılan xəbərlər həqiqəti əks etdirmir”