Azərbaycan millisində oynamış Renat Dadaşov Portuqaliyada qol hesabını açıb.
realpress.az-ın xəbərinə görə, Portuqaliya Primeyra Liqasının VI turuna “Braqa” – “Tondela” görüşü ilə yekun vurulub.
“Tondela”da çıxış edən Renat meydana 79-cu dəqiqədə daxil olub. O, braziliyalı hücumçu Daniel dos Anjosu əvəzləyib.
Dadaşov meydana daxil olduqdan 7 dəqiqə sonra Portuqaliya çempionatında ilk qolunu vurub.
Bununla belə, “Tondela” güclü “Braqa” qarşısında 81, 84 və 90-cı dəqiqələrdə buraxdığı qollarla 1:3 hesabı ilə uduzub. Bununla da “Tondela” ardıcıl beşinci oyununda da meydanı xalsız tərk edib. Hazırda komanda 3 xalla 16-cıdır.
Qeyd edək ki, İngiltərənin “Vulverhempton” komandasından “Tondela”ya yay transfer pəncərəsində icarə əsasında keçən Renat Dadaşov yeni klubunun bütün görüşlərində iştirak edib. O, IV turda Portuqaliya çempionatının hazırkı lideri “Benfika”ya qarşı matç da daxil olmaqla, bütün matçlarda meydanda olub.
Səbuhi Musayev
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.
