Polkovnik Babək Səmidlinin şəhadətindən bir il keçir - FOTO

Polkovnik Babək Səmidlinin şəhadətindən bir il keçir - FOTO
23 Noy 2021 10:12


Bu gün Vətən müharibəsinin şəhidi, polkovnik Babək Səmidlinin şəhadətindən bir il keçir. 

realpress.az Vətən müharibəsi şəhidinin əziz xatirəsini dərin hörmət və ehtiramla yad edir.

Babək Mətləb oğlu Səmidli 1974-cü il yanvarın 7-də Göyçay şəhərində anadan olub. 1993-cü ildə Ankarada Quru Qoşunları Məktəbinə daxil olub və 1997-ci ildə həmin məktəbin məzunu olub. O, 1997-ci ildən Azərbaycan Silahlı Qüvvələrinin sıralarında xidmət edib.

Babək Səmidli 2016-cı ilin aprel döyüşlərində də iştirak edib. Tarixə Aprel döyüşləri olaraq yazılan hərbi əməliyyatlar zamanı Babək Səmidli 1-ci Ordu Korpusunun Əməliyyat bölməsinin rəisi olub. Cəbhənin Tərtər rayonu istiqamətində gedən döyüşlərin idarə edilməsi məhz ona həvalə olunub. 

Azərbaycan Ordusunun yaranmasının 100 illiyi münasibətilə xüsusi xidmətlərinə, qarşılarında qoyulmuş tapşırıqları yerinə yetirən zaman fərqləndiyinə görə Azərbaycan Prezidenti İlham Əliyevin 25 iyun 2018-ci il tarixli Sərəncamına əsasən Babək Səmidli “Hərbi xidmətlərə görə” medalı ilə təltif edilib.

Azərbaycan Ordusunun polkovniki və 1-ci Ordu Korpusunun Komandir müavini olan Babək Səmidli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsində də iştirak edib. Vətən müharibəsi zamanı Tərtər rayonunun Suqovuşan qəsəbəsinin azadlığı uğrunda gedən döyüşlərdə savaşıb və döyüşü idarə edənlərdən biri olub. Onun rəhbərliyi altında Suqovuşan qəsəbəsi qısa müddət ərzində işğaldan azad edilib.

O, 2020-ci ilin noyabrda minaya düşərək şəhidlik zirvəsinə ucalıb. Babək Səmidli noyabrın 24-də Göyçay şəhərinin Şəhidlər Xiyabanında torpağa tapşırılıb.

Şəhidimizin Vətənə əmanət iki oğul övladı yadigar qalıb.

Şəhid Babək Səmidliyə məxsus materiallar ailəsi tərəfindən Milli Azərbaycan Tarixi Muzeyinin Vətən müharibəsi fonduna təhvil verilib.

Prezident İlham Əliyevin müvafiq sərəncamlarına əsasən, polkovnik Babək Səmidli ölümündən sonra “Zəfər” ordeni, “Vətən uğrunda”, “Suqovuşanın azad olunmasına görə” medalları ilə təltif edilib.

27 Noy 2021
Siyasət

Komitə sədri: “Soçi bəyanatı Azərbaycanın qarşısına qoyduğu məqsədlərə nail olduğunu göstərir”

“Ötən gün Soçidə Azərbaycan Prezidenti İlham Əliyev, Ermənistanın baş naziri Nikol Paşinyan və Rusiya Prezidenti Vladimir Putinin imzaladığı üçtərəfli bəyanat ölkəmizin qarşısına qoyduğu məqsədlərə nail olduğunu bir daha göstərir”.

27 Noy 2021
Siyasət

Soçi bəyanatı: Ali Baş Komandanın qətiyyətinin nəticəsi - RƏY

Noyabrın 26-da Azərbaycan Prezidenti İlham Əliyevin, Rusiya Prezidenti Vladimir Putinin və Ermənistanın baş naziri Nikol Paşinyan Soçidə görüşdülər.

27 Noy 2021
Siyasət

Putin Rusiya Təhlükəsizlik Şurası ilə Azərbaycan və Ermənistan liderlərilə görüşün nəticələrini müzakirə edib

Rusiya prezidenti Vladimir Putin ölkənin Təhlükəsizlik Şurasının daimi üzvləri ilə Azərbaycan Prezidenti İlham Əliyev və Ermənistanın baş naziri Nikol Paşinyanla apardığı danışıqların nəticələrini müzakirə edib.

27 Noy 2021
Siyasət

XİN: “26 noyabr bəyanatında Azərbaycanın mövqeyini əks etdirən məqamlar tam şəkildə təmin edilib”

26 noyabr 2021-ci il tarixində Soçidə Azərbaycan Respublikasının Prezidenti İlham Əliyev, Rusiya Federasiyasının Prezidenti Vladimir Putin və Ermənistan Respublikasının baş naziri Nikol Paşinyan arasında keçirilmiş üçtərəfli görüşün nəticələrini müsbət qiymətləndiririk.

27 Noy 2021
Siyasət

Soçi bəyanatı: Azərbaycan istədiyini aldı, Paşinyan isə yenə uğursuzluğa düçar oldu – ŞƏRH

Rusiya Prezidenti Vladimir Putinin təşəbbüsü ilə Azərbaycan Prezidenti İlham Əliyev və Ermənistanın baş naziri Nikol Paşinyan arasında keçirilən görüş başa çatdı.