Bankomatlar vasitəsilə dollar əsginasların qəbulu prosesinin bərpası üzrə işlər aparılır.
Bu barədə realpress.az-a “Kapital Bank”ın İctimaiyyətlə əlaqələr şöbəsinin rəisi Pərviz Sədrəddinov məlumat verib.
O bildirib ki, bankomatlarda proqram təminatının yenilənməsi ilə bağlı müvafiq tədbirlər həyata keçirilib və artıq proses yekunlaşmaq üzrədir:
“Proqram təminatının yenilənməsi ilə bağlı işlər demək olar ki, yekunlaşıb. Həftə ərzində bankomatlar vasitəsilə dollar əsginaslarının qəbulu prosesi bərpa ediləcək”.
Qeyd edək ki, oktyabr ayının əvvəlində banklar tərəfindən bankomatlar vasitəsilə dollar əsginasların qəbulu dayandırılıb. Buna səbəb dövriyyədə müəyyən miqdarda saxta 100 dollar əsginasların olmasıdır.
Saxta əsginasların təhlükəsizlik elementləri həqiqi valyuta vahidinə dəqiq olaraq bənzədilə bildiyindən bankomatlar tərəfindən saxta pullar müəyyən edilə bilməyib. Bu səbəbdən banklar saxta dollar əsginasların dövriyyəsinin qarşısını almaq üçün bankomatlar vasitəsilə onların qəbulunu dayandırıb.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
