“Sabahın alimləri” XI respublika müsabiqəsində Bakı Şəhəri üzrə Təhsil İdarəsinin tabeliyindəki ümumi təhsil müəssisələrindən 28 layihə iştirak etmək hüququ qazanıb.
Bu barədə "Realpress.az" a Təhsil İdarəsindən məlumat verilib. Bildirilib ki, müsabiqəyə buraxılan “Triqonometrik tənliklər sistemlərinin həllində vizual və analitik tətbiqlər üzərində araşdırma”, “Göy dənizin mavi tonu”, “Orqanizmin danışan canlı 3D modeli əsasında bədəndə xəstə genin tapılması mexanizmi”, “Səssiz qatil”, “Dəniz canlılarını xilas edək”, “COVID-19 virusunu aşkarlayıcı maye kristal əsaslı termo-sensorlar” və digər layihələr Elmi Ekspertiza Komitəsi tərəfindən uyğun hesab olunub.
Qeyd edək ki, IX-XI sinif şagirdləri üçün təşkil olunan müsabiqəyə Bakı şəhəri üzrə ümumilikdə 65 layihə təqdim olunub. Azərbaycanda “Sabahın alimləri” respublika müsabiqəsi 2012-ci ildən keçirilir. Müsabiqə İSEF – Beynəlxalq Elm və Mühəndislik Sərgisi çərçivəsində təşkil olunur. Müsabiqənin məqsədi ümumi təhsil müəssisələrinin IX-XI siniflərində təhsil alan şagirdlərin elmi axtarışlara sövq edilməsi, onların elmi və yaradıcılıq fəaliyyətinin stimullaşdırılması, elmi-tədqiqat işinə meyli olan istedadlı şagirdlərin aşkara çıxarılması, həmçinin yüksək tədqiqat nəticələri əldə etmiş Azərbaycan məktəblilərinin seçilib ABŞ-da keçirilən İSEF - Beynəlxalq Elm və Mühəndislik Sərgisinə göndərilməsidir. Müsabiqədə qiymətləndirmə 8 kateqoriya (riyaziyyat, fizika və astronomiya, kimya, biologiya, tibb və sağlamlıq, ekologiya və ətraf mühitin idarə olunması, mühəndislik, kompüter elmləri) üzrə aparılır.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.
