Yerin yaxınlığından kiçik asteroid keçəcək: Virtual teleskopla izləmək mümkün olacaq

Yerin yaxınlığından kiçik asteroid keçəcək: Virtual teleskopla izləmək mümkün olacaq
24 Yan 2023 15:46

Realpress.az Oxu az-a istinadən xəbər verir. Yanvarın 26-da Yerin yaxınlığından diametri 5-6 metr olan asteroid keçəcək.

Bu barədə  Azərbaycan Milli Elmlər Akademiyası N.Tusi adına Şamaxı Astrofizika Rəsədxanasından məlumat verilib.

Bildirilib ki, müşahidə ediləcək göy cisminə müvəqqəti olaraq “2023 BU” adı verilib.

“2023 BU” asteroidi yüksək parlaqlığa malikdir. Onu hətta həvəskar teleskoplarla da müşahidə etmək mümkün olacaq. Lakin asteroidi yalnız Yer kürəsinin cənub yarımkürəsinin sakinləri görə biləcəklər.

Qeyd edək ki, bu asteroid Yer üçün təhlükəli deyil, çünki o, planetdən bir neçə min kilometr uzaqlıqdan keçəcək. Daha dəqiq desək, Yerin mərkəzindən 6,200 mildən (10,000 km) az məsafədən keçəcək və Yerin orbitində fırlanan geostasionar peyklərin təxminən dörddəbiri məsafəsində olacaq. Bu da onu deməyə əsas verir ki, “2023 BU” asteroidi Yerin son dərəcə yaxınından, amma təhlükəsiz şəkildə keçəcək. Ümumilikdə isə, əsasən, diametri 150 metrdən böyük olan göy cisimləri planetimiz üçün təhlükəli hesab edilir.

Asteroidin hərəkətini izləmək üçün Virtual teleskop keçidindən istifadə edə bilərsiniz. Keçid üzərindən canlı yayım 26 yanvar saat 23:15-də başlayacaq.


24 Yan 2023
Maraqlı

Reyhan

Reyhan haqqında ümumi məlumat

13 Yan 2023
Maraqlı

Yerə bənzər planet kəşf edildi - FOTO

“James Webb” kosmik teleskopu özünün ilk ekzoplanetini kəşf edib.

12 Yan 2023
Maraqlı

Yüksək təzyiq zamanı xalq təbabəti

Yüksək təzyiq son illərin ən çox geniş yayılan xəstəliklərindən sayılır. 

4 Yan 2023
Maraqlı

Güclü meteor yağışı olacaq: 110-a qədər “ulduz axacaq” - FOTO

Kvadrantida meteor axının fəaliyyəti yanvarın 4-ü, çərşənbə gecəsi pik həddə çatacaq. Lakin Aydan gələn işıq səbəbindən onun gecə səmasında tam şəkildə müşahidəsi mümkün olmayacaq.