Samaradan Bakıya uçan “Utair” şirkətinin təyyarəsi mühərriklərdən birinin generatorunda nasazlıq yarandığı üçün geri qayıdıb.
Bu barədə Volqa Nəqliyyat Prokurorluğunun mətbuat xidməti məlumat yayıb.
“Kuybışev Nəqliyyat Prokurorluğu 2023-cü il fevralın 2-də 773 saylı Samara - Bakı marşrutu üzrə reysi yerinə yetirən təyyarənin texniki səbəbdən hava limanına qayıtması ilə əlaqədar uçuşların təhlükəsizliyinə və sərnişinlərin hüquqlarına riayət olunmasına dair yoxlama aparır”, - məlumatda deyilir.
Bildirilir ki, “Utair” şirkətinin “Boeing-735” təyyarəsinin komandiri mühərriklərdən birinin generatorunda nasazlıq yarandığı üçün Kurumoç hava limanına geri qayıtmaq qərarına gəlib. Təyyarə eniş edib və hazırda problem aradan qaldırılır.
Uçuşu gözləyərkən sərnişinlər federal aviasiya qaydaları ilə nəzərdə tutulmuş xidmətlərlə təmin olunacaqlar.
Volqa Nəqliyyat Prokurorluğundan bildirilib ki, biri azyaşlı olmaqla 67 sərnişin uçuş üçün qeydiyyata alınıb.
Qeyd olunub ki, nəzarət orqanı hadisənin baş vermə şəraitini yoxlayacaq və əsaslar olduqda prokurorluq tərəfindən cavab tədbirləri görəcək.
Bu gün Azərbaycan elminin, ədəbiyyatının, təhsilinin inkişafında misilsiz xidmətlər göstərmiş xeyirxah insan, görkəmli yazıçı, böyük alim Mir Cəlal Paşayevin anadan olmasından 116 il keçir.
Laçın Beynəlxalq Hava Limanının tikintisi davam edir.
Azərbaycan Mərkəzi Bankının bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat olub.
