Ceyhun Bayramovun müavini İsrailə səfər edib - FOTO

Ceyhun Bayramovun müavini İsrailə səfər edib - FOTO
26 May 2023 09:59

Mayın 21-25-də Azərbaycan xarici işlər nazirinin müavini Fariz Rzayev İsrailə işgüzar səfər edib, bu ölkənin rəsmilərini Ermənistanın regionda sülh prosesinə törətdiyi maneələr barədə məlumatlandırıb.

Bu barədə Xarici İşlər Nazirliyindən məlumat verilib.

Bildirilib ki, F.Rzayev səfər çərçivəsində İsraildə hər il təşkil edilən “Herzliya” Konfransında iştirak edib, habelə İsrailin bir sıra dövlət məmurları və qeyri-hökümət təşkilatlarının nümayəndələri ilə görüşüb.

“Herzliya” Konfransında “Azərbaycan-İsrail Strateji Əlaqələri” mövzusunda çıxış edən nazir müavini F.Rzayev Azərbaycan-İsrail münasibətləri, regional məsələlər, ölkəmiz tərəfindən həyata keçirilən strateji enerji və nəqliyyat layihələri, habelə digər mövzular barədə konfrans iştirakçılarını məlumatlandırıb.

Səfər çərçivəsində, nazir müavini Fariz Rzayev həmçinin İsrail Dövləti Xarici İşlər Nazirliyinin baş direktoru Ronen Levi və baş direktorun müavini, Avrasiya bölməsinin rəhbəri Simona Halperin ilə görüşüb. Görüşlər zamanı nazir müavini Fariz Rzayev tərəf müqabillərini postmünaqişə dövründə bölgədə mövcud vəziyyət, Azərbaycanın regionda sülh və təhlükəsizliyin bərqərar edilməsi istiqamətində davamlı fəaliyyəti, habelə Ermənistan tərəfindən törədilən maneələr barədə məlumatlandırıb.

Səfər zamanı nazir müavini Fariz Rzayev o cümlədən Qüds Strategiya və Təhlükəsizlik İnstitutu, habelə Təl-Əviv Universiteti nəzdində fəaliyyət göstərən Moşe Dayan Yaxın Şərq və Afrika Araşdırmaları Mərkəzində ekspertlər, professor və tələbələrlə görüşüb.

İsrail Dövlətinə səfəri çərçivəsində nazir müavini Fariz Rzayev Azərbaycan Respublikasının İsrail Dövlətindəki Səfirliyi tərəfindən İsraildə ilk dəfə olaraq Müstəqillik Günü münasibətilə təşkil edilmiş rəsmi tədbirdə iştirak və çıxış edib.

 


24 May 2024
Cəmiyyət

Naxçıvan şəhərində kross qaçışı üzrə yarış keçirilib

Naxçıvan şəhərində 28 May – Müstəqillik Gününə həsr olunan 5500 metr məsafəyə kross qaçışı üzrə yarış keçirilib.

24 May 2024
Cəmiyyət

Sus kəndində daha 39 ailəyə evlərinin açarları təqdim olunub

Bu gün növbəti köç karvanı ilə Laçının Sus kəndinə köçən ailələrə evlərinin açarları təqdim olunub.

24 May 2024
Cəmiyyət

Ağsuda Birinci Qarabağ müharibəsinin şəhidi Nuhu Mustafayev dəfn edilib – YENİLƏNİB

Gəncə şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Nuhu Mustafa oğlu Mustafayevlə Ağsu rayonunun Qaraməmmədli kəndində keçirilən vida mərasimi başa çatıb.

24 May 2024
Cəmiyyət

Köç karvanı Laçının Sus kəndinə çatıb

Bakı şəhərinin Qaradağ rayonundan Laçın şəhərinin Sus kəndinə yola salınan köç karvanı yurda çatıb.