Parisdə 28 May - Müstəqillik Günü münasibətilə rəsmi qəbul təşkil edilib - FOTO

Parisdə 28 May - Müstəqillik Günü münasibətilə rəsmi qəbul təşkil edilib - FOTO
26 May 2023 10:11

Fransanın paytaxtı Paris şəhərində Azərbaycanın dövlət bayramı 28 may - Müstəqillik Günü münasibətilə Azərbaycanın Fransadakı səfirliyi və UNESCO yanında Daimi Nümayəndəliyi tərəfindən rəsmi qəbul təşkil edilib.

“Report”un Fransa bürosu xəbər verir ki, tədbirdə yüksək səviyyəli dövlət və hökumət rəsmiləri, parlament üzvləri, ictimai-siyasi dairələrin və diplomatik korpusun nümayəndələri, şirkət rəhbərləri və bu ölkədə yaşayan həmvətənlərimiz iştirak ediblər.

Əvvəlcə Azərbaycanın və Fransanın Dövlət himnləri səsləndirilib. Azərbaycanın Fransadakı səfirliyi Leyla Abdullayeva Azərbaycan Xalq Cümhuriyyətinin yaradılması, həyata keçirdiyi islahatlar haqqında qonaqlara ətraflı məlumat verib.

Səfir Azərbaycan Xalq Cümhuriyyətinin milliyyətindən, sinfindən, cinsindən asılı olmayaraq öz sərhədləri daxilində yaşayan bütün vətəndaşlarına siyasi və vətəndaşlıq hüququ təmin etdiyini, ilk dəfə qadınlara seçki hüququ verdiyini, qadın-kişi bərabərliyini təmin etdiyini xüsusi qeyd edib.

Azərbaycanın UNESCO yanında Daimi Nümayəndəsi Elman Abdullayev 1991-ci ildə öz müstəqilliyini bərpa edən müasir Azərbaycan Respublikasının 1918-1920-ci illərdə 23 ay ərzində mövcud olan və müsəlman Şərqində ilk dünyəvi, demokratik dövlət kimi tarixə düşən Azərbaycan Xalq Cümhuriyyətinin siyasi varisi olduğunu bildirib.

Diplomatlar xalqımızın yeni tarixi şəraitdə öz dövlət müstəqilliyini bərpa etdikdən sonra ümummilli lider Heydər Əliyevin rəhbərliyi altında Xalq Cümhuriyyətinin ənənələrini əsas tutaraq, müstəqil Azərbaycan dövlətini yaratdığını qeyd ediblər.

Bildirilib ki, bu gün möhtərəm Prezident İlham Əliyevin rəhbərliyi altında Azərbaycan Respublikasında demokratik, hüquqi, dünyəvi dövlət, vətəndaş cəmiyyəti quruculuğu prosesi uğurla davam etdirilir.

Diplomatlar bu gün müstəqil Azərbaycan Respublikasının regionda sülhün bərpa olunması naminə göstərdiyi səylərinə də toxunublar.

 


25 İyun 2024
Cəmiyyət

Şuşada gənclərlə bağlı beynəlxalq forum keçirilir

Şuşa şəhərində Gənclər və İdman Nazirliyi, Heydər Əliyev Fondu və ICESCO-nun birgə təşkilatçılığı ilə "By Youth For Youth" adlı beynəlxalq forum başlayıb.

25 İyun 2024
Cəmiyyət

Bakıda beynəlxalq ekoloji forum keçiriləcək

İyunun 27-28-də Bakıda “Yaşıl dünya naminə Həmrəylik: Dayanıqlı Gələcək üçün Tullantıdan Dəyərə” adlı Beynəlxalq Forum keçiriləcək.

25 İyun 2024
Cəmiyyət

Bu gün dənizçilərin peşə bayramıdır

Hər il iyunun 25-i dünyada Beynəlxalq Dənizçilər Günü kimi qeyd olunur.

25 İyun 2024
Cəmiyyət

Bu günə olan valyuta məzənnələri

Azərbaycan Mərkəzi Bankı 25 iyun tarixindən etibarən valyuta məzənnələrini açıqlayıb.