“Azərbaycanda 2019-cu ildən bu günə qədər özəl sektorda 385 mindən çox iş yeri yaradılıb”.
“Report” xəbər verir ki, bunu iqtisadiyyat naziri Mikayıl Cabbarovun 25 aprel - Sahibkarlar Günü ilə bağlı müraciətində bildirib.
“Bu gün qarşımızda daha ümdə vəzifə durur. İşğaldan azad edilmiş ərazilərin dirçəldilməsinə töhfə vermək hər birimizin mənəvi borcumuzdur. Biz bugünkü günlərin arzusu ilə yaşamışıq. Ona görə bu prosesdə sahibkarlarımızın aktiv iştirakı önəmlidir”, - deyə o qeyd edib.
Nazir vurğulayıb ki, hər ölkənin sosial-iqtisadi inkişafı özəl sektorun inkişafı ilə birbaşa bağlıdır:
“Müstəqil Azərbaycanın iqtisadi nailiyyətləri sahibkarlığın güclənməsi ilə müşayiət olunur. Görülən işlərin nəticəsidir ki, iqtisadi sferanın müxtəlif sahələri, o cümlədən biznes fəaliyyəti üzrə göstəricilər ildən ilə nəzərə çarpacaq qədər artır. Bu mənzərə doğru yolda olduğumuzu göstərir. Dövlət-biznes münasibətlərində nail olduğumuz inam bizi daha yüksək nəticələrə aparacaq. Dövlət vicdanlı vergi ödəyicisinin etibarlı tərəfdaşıdır. Bu tətbiq olunan güzəştlərdə, stimullarda aydın şəkildə görünür”, - deyə nazir əlavə edib.
Azərbaycan və Türkiyə arasında mayın 8-də Ankarada iqtisadi əməkdaşlıq üzrə Birgə Hökumətlərarası Komissiyanın iclası və biznes forumu keçiriləcək.
Azərbaycanda ilk dəfə Milli Xalça Festivalı keçirilir.
Beynəlxalq səyyahlar Xudafərin körpüsündən sonra Cəbrayılın Cocuq Mərcanlı kəndinə səfər ediblər.
Ulu öndər Heydər Əliyevin anadan olmasının 101-ci ildönümü ərəfəsində Dövlət Sərhəd Xidmətinin əməkdaşları Azərbaycanın memarı və qurucusu, Milli Sərhəd Strategiyasının banisi, xalqımızın dahi oğlu və ümummilli lideri Heydər Əliyevin əziz xatirəsinə sərhədçi ehtiramı olaraq Böyük Qafqaz sıra dağlarının Başdağ silsiləsinin Qızıl Qaya massivində, dəniz səviyyəsindən 3751 metr hündürlükdə yerləşən “Heydər zirvəsi”nə növbəti yürüş təşkil ediblər.